وقتاش نبداو فالقاطو تاع العيد ؟

راني نجرب فيها خلولي لي جام ذوك نرجع نقلكم نتيجة 🤭

يعطيكم الصحة شاف و هاذو معلومات للاخوات اللي يحبو يستفادو يقراوه و بدووون تجريح من فضلكم نصيحة خياتي تفيدكم في رمضان بخصوص قلب اللوز اذا مانجحلكمش او المقروط اذا انتحل في المقلة ماترموهمش ادلكوهم مع شوية تع غرس و سميد محمص هكذا تربحوهم رفيس و تقطعو الحدة تع الحلاوة شعارنا حاجة ماتضيع😂و بخصوص طاجين الجبن 🧀 انا مالفا نديرو بالارز و المعدنوس و توابل الشوارما لداخل باش يجي بنين و يكفي كامل العاءلة مرات نرافقو بالحمص و مرات بالزيتون و الفطر و الجلبانة وصلصة الجبن تجي روووعة 👍🏻🌹و بخصوص البريوش انا مالفا نديرو بالفرينة الكاملة و البيضاء مرات نحشيها بالشكولاطة او المعجون او السكر البني بالقرفة...و مرات نعجنو بالجزر و الكابويا و نديرلو الزبيب يخرج يهبل 😘 و لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش🌹😘

الله يرحم البطن الي جابتك

اختكم من تبسة ❤لي دارتلي ابوني في هذا العواشر وسيدنا رمضان🌙رروحي ياختي ربي يخلي شملك مجموع وراسك مرفوع ويبقي عليك الستر ويخليلك صحتك ويقويك ياااارب 🤲❤️

وش نقولكم جربتها وجات واحد البنة وساهلة والدار كامل عجبتهم افضل وانجح وصفة ننصحكم تجربوها

كاين لي معندوش نعرفو غير تنصحووو

نتا جزائري خويا ؟

💜🌼لي دارتلي ابوني 🌼💜 روحي ربي يسعدك و يوفقك و يفتحلك بيبان الخير و يحققلك كل ما تتمناي يا رب 💜💜

وااااووووووو

لي يقولو شاف أمير نمبر وان في الطبخ يديرو جام ❤

يعطيك الصحة وصفة بسيطة

يعطيك الصحة شاف وصفاتك دائما في القمة 😊

درتها البارح وجات هايلة يعطيك الصحة

عن تجربة خبز طاكوس الشاف امير رائع وناجح. ان شاء الله نجرب الوصفة يعطيك الصحة بارك الله فيك

تبااان تشهي يعطيك الصحة شاف أمير❤❤❤❤

يا شاف ياااا الشاف تستاهل مليون جام

يعطيك صحة شاف جربتها جاتني طووب ❤❤

تبااان تشهي ماشاء الله شكرااا على الوصفة شاف

يعطيك الصحة شاف وصفاتك راقية تشهي تسلم الأيادي بارك الله فيك صح فطورك