18+
Film Vətən Müharibəsi müddətində və post-müharibə dövründə Mühəndis-İstehkam Qoşunlarının fəaliyyətindən bəhs edir. Filmdə Mühəndis-İstehkamçıların müharibədən öncə hazırlıqlarından, düşmənin 30 ildə qurduğu müdafiə səddinin təhlilindən söhbət açılır. Müharibə bitsə də, mühəndis-istehkamçıların “döyüşləri” davam edir. Onlar bu gün azad olunan ərazilərdə qalan mina və partlamamış sursatlardan təmizlik işlərində böyük əmək sərf edir.
Filmin çəkilişləri keçmiş təmas xətti boyunca yarılma yerlərində, Zəfər Yolunda və bu gün təmizləmə işləri aparılan bütün istiqamətlərdə aparılıb. Kəlbəcər, Suqovuşan-Talış, Ağdam, Füzuli, Cəbrayılda yarılma nöqtələri, keçidlər, Zəfər Yolunun ilk başlangıc nöqtəsi Böyük Tağlardan Şuşaya qədər bütün ərazilərdə çəkilişlər baş tutub. Müharibə dövründə və hazırda təmizləmə işlərində çalışan hərbçilər, əsgər və zabitlər, qazilərdən müsahibələr alınıb.
İstehsalçı: İTV, Azərbaycanfilm
Texniki göstəricilər: 16:9
Janr: döyüş, reportaj
Rejissor: Ayşad Səfərəliyev
Ssenari müəllifi: Seyran Bədəlov
Operator: Zeynalabdin Həsənov
Prodüserlər: Fariz Əhmədov, Yalçın Verdiyev