Şanlıurfaya yaxınlaşdıqca tikililər azalır, yaşıllıqlar tamamilə yoxa çıxır, insan qırmızıya çalan, daha doğrusu, heç yerdə rastlaşmadığı rəngə bürünmüş təpəciklərlə üz-üzə qalır. Bir az niskil, bir az vahimə, bir az da isti. Şəhərə yuxarıdan baxanda adama elə gəlir ki, Şanlıurfanı böyük bir bellə çeviriblər, bütün tarix - yəni hər şey torpağın altında qalıb...
İndi Türkiyə hökuməti o torpağı qazır və altından möcüzələr çıxarır.
Dünyanın 20-dən çox ölkəsindən gələn 80 jurnalistlə bu möcüzələrin birindəyik - Göbəklitəpədə.