السيارة شريتها من 4 أشهر تقريبا وماشية للحين 7000 . الحمدلله السيارة فخمة وواسعة و أدائها بعد الإنطلاق رائع حتى مرات أنسى نفسي وأدوس مع انها 4 سلندر وتيربو وأنا متعود اسوق لكزس 8 سلندر . اللي ما عجبني الانطلاقة بطيئة اشوي بحكم التيربو وقوة المحرك مقارنة باللي متعود على سيارات 8 سلندر و ينزل ل 4 سلندر وهذا شي عادي بس بعدين ما تحس فيها المشكلة اللي لاحظتها أنه مثبت السرعة حده 130 كم مب مفتوح (موديل الإمارات) بيت النظارة صغير و مصمم بطريقة ما تمسك النظارة بشكل جيد . يعني تحط النظارة وتقفل على طول والا بطيح مع انه السيارة فخمة وهالتفاصيل الصغيرة ما اهتموا بيها الشاشة الرئيسية احيانا تتاخر عند التشغيل مب دايما و شاشة العدادات في الشمس ما تكون مريحة واظن السبب انه بارزة للامام اكثر من اللازم مب داخلة بحيث تقلل من تعرضها للاشعة مثال: شاشة التلفون لما تنعكس عليه الشمس كيف وضعه الوالدة تشتكي منها لانه ما فيها عتببة للصعود مع انها منخفظة ومسكة ركوب أمامية (موجودة جانبية بس) بس مريحة في الطريق كرسي الراكب منخفض وما ينرفع بس حركة امامية خلفية أو تعديل حركة الظهر بس ينفع ترجعه 180 درجة وتنام (^_^) مكيفها ما شاء الله عليه ما عليه كلام للحين ونتريا الصيف بس اظن انه ما بيخيب ظني لانه اشتكي من بردوته بالعادة وارفع الحرارة كراسي الصف الاخير للاطفال بس يقدر يجلس فيها ولد بعمر 15 تقريبا او حتى انسان حجمه جسمه مناسب لو قدم كرس الصف الثاني وبعد ما بيضايق الراكب اللي امامه مقارنة ببعض السيارات اللي من نفس الفئة المساحة مناسبة صرفيتها متوسطة وتعتمد على طريقة القيادة السيارة بشكل عام مقارنة بالسعر ممتازة وتستحق الشراء لو قارنتها مع نفس الفئة من السيارات الكورية و اليابانية اللي المفروض تكون اسعارها مقبوله بس للاسف مولعة في الفترة الاخيرة واطول لين ما تستلمها عكس هذه طلبتها واستلمتها بعد شهرين او اقل واشوفها انتشرت في الفترة الاخيرة عندنا في الامارات التكنوجيا والدلع حدث ولا حرج ان شاء الله بس الله يبارك لي فيها و تكمل وياي اطول مدة ممكنة على الاقل حتى نهاية الضمان اتمنى تعليقي يكون مفيد لكم و ما اكون بالغت سواء بالمدح او النقد

ماشاء الله روعه الروعه

مرحبا اخ زياد شرحك عن السيارة رائع جدا ومعجب بطريقتك لكن ملاحظة على الفيديو صوت الموسيقى مزعج جدا ارجوا استبدالها بمقاطع هادئه ربي يعطيك العافية ما قصرت

@TOPENGINEBH

2 жыл бұрын

شكرا لك استاذي في المرات القادمة سيتم مراعاة الموضوع

سيارة جميلة يعطيكم العافية

💥💥💥💥💥

ما شاء الله ع السيارة، بالنسبة الي اركز على الامان اكثر شي وهالسيارة وفت وكفت.

@TOPENGINEBH

2 жыл бұрын

سيارة جميلة والصناعه الصينية في تطور

شلون أداء المكيف.. هل صار في تحسين لان اسمع ان الجيل السابق كان فيه مشاكل في المكيف

@TOPENGINEBH

2 жыл бұрын

المكيف ممتاز 👌

شكرا علي التجربة اتوقع في خيارات أفضل يابانيه لانه سعرها 13 ألف دينار سعر مبالغ فيه

@TOPENGINEBH

2 жыл бұрын

السيارة فيها اوبشنات كثيرة تنافس العديد من السيارات الكبرا ولاكن مسالة السعر يحددها الزبون على حسب الاحتياج

اتوقع مكيف السياره مكانه سيئ