«Бағалау мен қадірлеудің биік шыңы, қайнар бұлағы- түсінік, түсіну, түсінісу».
Тұйғынбек Әлжігіт
🌀 25 қаңтар күні «Жүректен қозғайық» айдары аясында, фармацевт, ҚР Денсаулық сақтау ісінің үздігі Тұйғынбек Әлжігітпен «Ақиқатты іздеу» атты сүбелі онлайн-сұхбат өткізілді.
🌀 Сұхбат барысында қаламгер «Ақиқатты іздеу» кітабы туралы, ондағы жаратылыс,тіршілік, өмір, адами болмыс туралы ой-толғамдарын саралады. Кезінде Арыс қаласында «ТАЙМА» республикалық тәуелсіз газеті мен «ТАЙМА» жеке спорт клубы, ТАЙМА медицина орталығы қоғамдық бірлестігінің құрылтайшысы кезіндегі елдік істерімен ой бөлісті.
🌀 Қаламгер қоғам дамуына түрткі болар, сананы сілкіндірер «ұлттық рух», адам болмысындағы рух тазалығы, қасиеттілігі тұрғысында құнарлы ой қозғап, «Рух биіктігі сенім күштілігінде» деген ой-тұжырымын ұсынды. Қазіргі рухани ізденісімен де ой бөлісіп, оқырмандар тарапынан қойылған денсаулық тұрғысындағы сұрақтарға тұщымды жауап берді.
🌀 Қаламгер жастарды білім жолында терең ізденіске, айналысып жүрген өз кәсіптерінің биік шыңына жетіп, шебер маманы болуға шақырған тағылымды ойымен ерекше серпін сыйлады.
🌀Сұхбат соңында, Тұйғынбек Мәуленұлы кітапхана директоры Раушан Бабажанқызына “Ақиқатты іздеу” кітабын сыйға тартты.