Бұл күй ҚР еңбек сіңірген мәдениет қызметкері, дирижер, композитор - Манарбек Бексеитовке арналады. Біржан сал атындағы Көкшетау музыкалық колледжінің бірінші директоры болып, облыстың музыкалық өнеріне сіңген еңбегі зор тұлға. Көкшетау қаласында халық аспаптар оркестрін ашқан Манарбек Бексеитов әрдайым жас таланттарды қолдап жүрді. Өзі домбыраға күй шығарды, оның «Көкшетау маршы» күйін колледжде әр домбырашының күй қоржынында ерекше орын алатын туынды. «Манарбек ақжелең» күйі, үлкен өнер иесіне құрмет, әруағына тағзым ретінде шығарылған күй.