БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Жаңа салық кодексіне «сән-салтанат салығы» да енгізіліп отыр. Яғни, енді жылжымайтын мүлкінің жиынтық құны 450 миллион теңгеге бағаланған бай-бағландар үшін салық мөлшерлемесі айтарлықтай жоғарырақ болмақ. Шет елдерден қымбат автокөлік әкелуге құштар азаматтардың да шығыны көбейеді. Өйткені, кіргізген көлігінің бағасы 75 миллион теңгеден асса, салыққа 7,5 миллион теңге төлеуге міндетті. Ал, елдің шамамен тең жартысы тізгіндеп жүрген ескі көліктер үшін салық ставкасы төмендейді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
НҰРБОЛАТ ЖАҢАБЕКҰЛЫ, тілші:
- Шенеуніктер мемлекет басшысының тапсырмасы аясында әзірлеген жаңа салық кодексін таныстырып жатыр. Маңызды құжатқа бұған дейін қоғам талқылауына шығарылған көптеген бастамалар енгізілген секілді. Мәселен, ауқатты адамдардың салық жүктемесі сіз бен бізге қарағанда көбірек болады. Яғни, жылжымайтын мүлкінің жиынтық құны 450 миллион теңгеден асатын отандастарымыз үшін ставка жоғарырақ бекітілуі мүмкін. Бірақ әзірге нақты қаншаға көтерілетіні беймәлім. Әрі қымбат автокөлік мінгенді жаны сүйетін жандар үшін де мөлшерлеме ұлғаяды. Мысалы, көліктің құны 75 миллион теңгеден асса, салық сомасы кедендік құнының 10 пайызын құрайды. Ал, жылы ескі машиналарға керісінше мөлшерлеме төмендетілгелі отыр. Сондай-ақ, әр жарты жыл сайын есеп тапсырудан шаршаған кәсіпкерлерге де жағымды жаңалық бар. Себебі, енді салық есептілігін ұсынбағаны үшін айыппұл салынбайды.
ЕРЖАН БІРЖАНОВ, ҚР Қаржы вице-министрі:
- Көбінесе шағын және орта кәсіп өкілдері есеп беруді ұмытып кетіп жатады. Бұл үшін кәсіпкер әкімшілік жазаға тартылып, айыппұл салынатын. Енді жаңа кодекске сәйкес, жаза алынып тасталды. Яғни, есеп бермесе, біз нөлдік есептілікпен қабылдап жібереміз. Кейін қажет болса есебін түзетіп алады. Жалпы, есеп беру нысандары 30 пайызға қысқартылғалы отыр.
Бұдан бөлек, белгілі бір себептерге байланысты салық берешегі қалыптасқан кәсіпкерлердің шоты бірден бұғатталмайды. Демек, борышы 73 840 теңгеден аспаса салық берешегі құрылғаны жайлы хабарлама жолданады. Ал, қарызы осы 20 айлық есептік көрсеткіштен көп болса, шотындағы шығыс операциялар тоқталады. Әрі, ойын бизнесіне қосылған құн салығы салынбайды. Алайда корпоративтік табыс салығы бойынша ставка 25 пайызға дейін өсуі ықтимал. Букмекерлік кеңселерге де арнайы салық салу көзделіп отыр. Яғни, олар ойыншылардан түскен кез келген соманың 8 пайызын аударуы шарт. Бастысы, ойыншылар да ұтқан қаржысынан салық төлеуі тиіс. Десе де, ұлттық кәсіпкерлер палатасының өкілдері кодексті әлі де жетілдіру керек деді.
ТИМУР ЖАРКЕНОВ, «АТАМЕКЕН» ҚР ҰКП Басқарма төрағасының орынбасары:
- Кодекстегі жаңашылдықтардың 70 пайызын бизнес өкілдері ұсынған. Бірақ әлі де шешілуге тиіс ауқымды мәселелер бар. Мысалы, бұрын салыққа 3 пайыз төлеген бизнесмен енді 8 пайыз беруге міндеттелгелі отыр. Әрине, біз оған келіспейміз. Сондай-ақ, өзін-өзі жұмыспен қамтып отырғандарға қатысты проблема қалай реттелетіні белгісіз.
Сондай-ақ, айлық табысы 1 миллион 250 теңгеден аспайтын жеке тұлғалар, яғни өзін-өзі жұмыспен қамтып отырған кісілер кірісінің 4 пайызын салық есебінде аударады. Бұл міндетті зейнетақы жарнасын, әлеуметтік аударым және міндетті әлеуметтік медициналық сақтандыруын жабуға кетеді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық