Жиделі байсын өлкесінен талай өнер қырандары самғап ұшқан қасиетті жер. Бұл аймақта өзінің күйлерімен халықты сусындатқан Оразбек Сәрсенұлы (1923-1969ж.) күйші болған. Тарихтың қиын уақыттарында талай өнерпаздардың есімдері ұмытылып, туындылары архивтерде шаң басып қалған. Өнер мұхитыңда алтын балықтай жүзген өнерпаздардың музыкалық мұрасы жанашыр адамдар болмаса бізге қалай жетер еді. Әкесінің күйлерін жинақтап, әруағына қызмет жасаған Күлайна қызы, 2022 жылы көктемде Оразбек Сәрсенұлының 100 толуына орай жергілікті жұртқа ас беріп, өнер кешін ұйымдастырады. Алматыдан Оразбектің күйлерін орындаушылар келіп, күйшінің музыкалық мұрасын көкке самғатты. Өнерпаздардың арасында Ермек те болды. Күйшінің бейітіне барып, туған өлкесімен таныс болған Ермек, ерекше күйде болып Оразбекке арнау шығарады. Бұл күй Оразбек Сәрсенұлының күй шығарушылық және орындаушылық мәнерінде жүреді.