Қазақстан Республикасы тәуелсіздігінің 25 жылдығы аясында өткен Ерейментау ауданының күндері 1916 жылғы Ереймен көтерілісінің 100 жылдығына, Тоқмағамбет Хазіреттің 165 жылдығына, Олжабай Нұралыұлының 135 жылдығына, Аманжол Əлжановтың 110 жылдығына, Бекболат Меркемелиденұлының 135 жылдығына арналды. Ғылыми конференция, ақындар айтысы, ат жарыс, көкпар, балуандар күресі, салтанатты концерт, марапаттар, жайылған дастарқан - бәрі-бәрі аруақтар жатқан қасиетті мекенде тұратын халықтың еңсесін көтеріп, бойларында елдік сезімін нығайтты. Көңіл-күй пернесін дөп басқан Досхан Одаманның орындауындағы Иманжүсіптің әйгілі әні тойда түсірілген суреттердің мазмұнын аша түседі.