Жер қойнауын заңсыз пайдаланғандар айыппұл арқалайды. Оңай олжа тапқысы келгендер Бадам өзенін торып жүр. Жаңаталап елдімекенінің жұрты өзен арнасын заңсыз қазғандарға тосқауыл болмай тұр деп шағымдануда. Бұл мәселе бойынша жергілікті халық аудан әкімдігінен талай мәрте көмек те сұраған. Проблема бүгінгі күнге дейін шешімін таппаған соң тұрғындар сыбайлас жемқорлыққа қарсы іс-қимыл агенттігіне шағым түсірген.