SUCH/Culture 發夢人人都試過，有人瞓醒會乜都唔記得，有人則非常在意。夢境就好似一個神秘嘅領域，每當我哋合上眼睛，就有機會進入一個完全唔同嘅世界。喺呢個世界裡面，我哋會經歷最瘋狂嘅冒險，又或者變成另一個人喺另一個時空活動，總之，喺夢入面乜都可以發生。
咁發夢係咪真係單純一個夢咁簡單呢？佢有冇佢嘅存在意義呢？如果夢到自己死又係咪真係會死呢？
講到解夢，不得不提中國傳統解夢專家--周公。
根據周公解夢嘅說法，夢到死亡一般唔代表真係會死，而係象徵住變化，可能預視生活中某個方面即將會有變動。呢啲變化可以係正面嘅，可能象徵住一個新開始，又或者係一個警示，提醒造夢者留意一下自己嘅健康或者人際關係上嘅問題。臨床心理學家Annie 則從西方心理學嘅角度解釋，夢見死亡反映咗內心深處嘅潛意識，可能意味住一段關係結束或者對工作同生活方式嘅反思。綜合這兩種觀點，解夢可以提供不同角度嘅詮釋，等我們更深入地了解內心世界嘅奧秘。
呢種奇妙嘅夢境探險，唔單止幫我哋發現自己嘅潛意識同慾望，仲可以學識點樣喺現實世界中帶住智慧同勇氣，繼續我哋嘅人生旅程。
#臨床心理學家 #心理學 #解夢 #周公 #迷思 #迷思終結者 #娜姐 #SUCH #SUCHHK
想知道更多最新消息，記得喺Facebook, Instagram, KZread密切留意我哋：
Facebook: / such.hongkong
Instagram: / such.hk
KZread: / suchhk
SUCH/STORE: www.such.hk