SUCH/Culture 當臨床心理學家遇上「瘋傳！超神準心理測驗」，結果會係⋯⋯？《迷思終結者 Myth Terminator》
喺呢個浩瀚無邊嘅宇宙入面，存在住一個名為Earth-199999嘅星球；而呢個星球上面嘅人，心中都有住好多大大小小、似是而非嘅「迷思」：究竟深夜進食係咪真係會特別肥？塊面出油係咪因為皮膚唔夠水分？
有啲迷思你聽得太多次，已經無再諗佢係咪真；有啲就100個人有100個真相，連Google大神都話唔到你知真正犯人係邊個。
所以《迷思終結者 Myth Terminator》，就為咗幫人類解惑而誕生了！喺呢個系列入面，將會有唔同範疇嘅專家受邀上嚟，逐一解答喺我哋心中埋藏而久嘅迷思，為眾人指點迷津。
成日話「女人心，海底針」，但我哋就唔鍾意咁性別定形嘅，計我話，好多人類行為背後嘅心理活動其實都好難以理解。例如嗰啲黑色放負story，又要post但啲字又要豆腐膶咁細，到底係想人睇到定睇唔到？又例如所有人明明最終都係殊途同歸，萬般帶不走，點解有啲人仲會咁努力生活？
再睇返依家好流行嗰啲心理測驗，明明諗深一層都知係大包圍準極有限，點解都仲會有咁多人share自己個結果？睇見呢個現象，今期SUCH/ HK團隊決定請嚟臨床心理學家Annie，正面迎擊坊間嘅心理測驗！請得Annie上嚟就當然唔只傾咁少嘢，喺之後嘅集數，佢會為我哋解拆兩性間嘅心理攻防戰同為主持實測解夢，仲會回答觀眾關於心理學嘅各種疑難雜症添！
除咗Annie之外，今集仲有兩個新面孔喺SUCH/ HK平台華麗登場，究竟Annie同佢哋會擦出咩火花呢？一於上SUCH/ HK KZread Channel (Channel Link in Bio) 或者去story click 入KZread link睇片，將你對人類心理嘅疑惑一一解開啦！
#臨床心理學家 #心理學 #心理測驗 #迷思 #迷思終結者 #娜姐
想知道更多最新消息，記得喺Facebook, Instagram, KZread密切留意我哋：
Facebook: / such.hongkong
Instagram: / such.hk
KZread: / suchhk
SUCH/STORE: www.such.hk