1989 жылы "Желтоқсан" ұйымы "Қазақфильм" киностудиясының 250-ші бөлмесінде Қалдыбай Әбенов ағамыздың ұйымдастыруымен құрылды. Бұл ұйымға 86 жылғы желтоқсан көтерілісіне қатысып сотталып келген желтоқсандықтар бас қосып, өздерінің саяси күрестерін жүргізе бастайды. Ұйымның тұңғыш мүшелері: Қалдыбай ағамыздан бастап Аманжол Нәлібаев, Бақтыбек Иманқожаев, Хасен Қожа Ахмет, Ерлан Декелбаев, Құттыбек Аймаханов, Өткірхан Мүлкібаев, Жармұханбет Тлегенов, Құрбанбай Халмұратовтар еді. Ұйымның тұңғыш төрағасы болып Бақтыбек Иманқожаев сайланған болатын.