ЕҢБЕК АРДАГЕРІН ЕСКЕ АЛҒАН АУДАНДЫҚ ТУРНИР
Дене шынықтыру мен бұқаралық спортты дамыту жөніндегі 2020 - 2025 жылдарға арналған кешенді жоспарды бекіту туралы Қазақстан Республикасы Үкіметінің 2020 жылғы 23 сәуірдегі № 242 қаулысы бекітілген еді. Қазақстан әлемге қуатты спорттық держева ретінде белгілі. Осы орайда "Өңірлік деңгейдегі резервтерді тауып, бұқаралық спорт пен дене шынықтырудың қолжетімділігін арттыру қажет" делінген. Бұл жолы айтарымыз, бұндай спорттық шаралар бұқаралық спорттың дамуына үлкен үлесін қосады. Сол үшін елдегі әрбір азаматтық белсенді түрде спортпен шұғылдану қажет деп санаймыз. Бүгін Шу ауданында, жалпы бұқаралық спортты дамыту - мемлекет саясатының басым бағыттарының бірі екені белгілі.
Осы бағыттағы бұқаралық спортты жандандыру мақсатында Шу ауданына қарасты Көкқайнар ауылында "Ұлы жеңістің 79 жылдығы" қарсаңында Жданов колхозы төрағасының орынбасары қызметін атқарған, айтулы колхоздың басқа да саласында тер төгіп еңбек еткен 1997 жылы "Нариман" шаруа қожалығын құрып жетекшілік еткен Саудабаев Сабыр Биғазыұлын еске алуға арналған волейболдан ардагерлер арасында аудандық турнир болып өтті. Атаулы турнирге 9 команда қатысып бақтарын сынады. Турнирді ұйымдастырушы Сабыр Биғазыұлының отбасынан Саудабаев Бақтыбай Сабырұлы жүлделі орындарға кубоктар мен медальдар тағайындады. Сондай - ақ І - орынға 100 мың, ІІ - орынға 70 мың ал ІІІ - орынңа 40 мың теңге сыйақы тағайындады. Осындай тартулы доданың ашылу салтанатына аудан көлеміндегі ардагер волеболшылар мен бірге аудан басшысы Жәнібеков Бақытжан Оразалыұлы да қатысып алғы сөз сөйлеп сәттілік тіледі. Алаңға шыққан ардагерлер өздерінің спортта да осал емес екендіктерін көрсетті. Нәтижесінде, үздік волеболшылар арнайы марапатқа ие болды. Атап айтсақ,
Естемесов командасы І - ші орынды иеленсе , ІІ - ші орынды Шу қаласы ал ІІІ - ші орынды Меркеден келген команда қанжығасына байлады. Сонымен қатар үздік ойын өрнегін көрсеткен спортшыларға «Балық Fest Shu» қоғамдық бірлестігінің атынан алғыс хаттар тапсырылды.