Елімізде еңбекпен есімі еленген, халқына пайдасын тигізген жандар жетерлік. Өзінің өнегелі еңбек жолымен халық құрметіне ие болып жүрген Қайырхан Қазбекұлы БАЙГУНДИНОВ 70 жастың асқарына шығып отыр.
Қайырхан Қазбекұлы 1954 жылы 21 мамыр күні Марқакөл ауданы, Алексеевка ауылында (Марқакөл ауылы) дүниеге келген. Әскери борышын өтеп келген соң Шығыс Қазақстан педагогикалық институтына оқуға түседі. Білім алуды жалғастырып, Алматы өрт сөндіру техникалық училищесін тәмамдайды. Содан кейін Көкшетау, Ленинград, Харьков жоғарғы кәсіптік өрт сөндіру мектебінің курстарынан білім алады.
Алғашқы еңбек жолы 1975 жылы Алексеевка өрт сөндіру бөлімінің нұскаушы болып бастаған. Өзінің жұмысына жауапкершілікпен қарап, ерекше қырынан танылып, ссын бөлім бастығы болып қызмет етті.
1980-1981 жылдары Марқакөл аудандық физкультура және спорт комитетінің төрағасы, 1981 жыл 1991 жылдары ішкі істер басқармасында әртүрлі қызметтер атқарды.
1991 жыл тамыз айынан 2013 жылы әртүрлі қара жұмыстар істеді. 1986 жылғы Алматыдағы Желтоқсан оқиғасы қазақ жастарының азаттық үшін арпалысының жарқын көрінісі, халқымыздың басынан өткен соқтықпалы соқпақтың ең соңғы және ірі адымы болды. Желтоқсан оқиғасына қатысушылардың қатарында жерлесіміз Қайырхан Қазбекұлы да болды. Дегенмен билікке қарсы шықтың деп көптеген жалған жалалар жабылып, 22 жыл қуғын сүргінге ұшырап, жұмыссыз, үйсіз көшіп жүрген. Бір жыл шартты жазаға кесілген. 3 -жыл жер айдалып, ауылы Теректіде әкесінің бос қалған үйінде күнелткен. Мұнда да жұмыс берілмеген. Өскемен қаласында тығылып жүріп,темір жинастырған. Арынан аттамай, намысын таптатпай, елінің ертеңі үшін , тағдыр тәлкегін бастан кешіріп, өзінің қайтпас қайсар мінезімен бұл қиындыққа да мойымай жеңіп, ақыры ақталып шығады.
2009 жылы Глубокое ауданына көшіп келген. Алғашында жұмыс болмай, 2011 жылы мектептің аула сыпырушысы болады. Жалақысы 18 мың теңге. Кейін «подстанция -500» күзетші болды. 24 мың теңге жалақы. 2012 жылы «Қазақ мыс» кәсіпорыны, «ПЧ-63 өрт сөндіру» бөлімінің бастығы лауазымына тағайындалды. 2013 жылы, тамыз айында аудан әкімі Нұрлыбек Шерубаев Верхберезовка кентіне әкімдік лауазымына ұсынып, 2014 жылы қаңтар айының аяғында сол лауазымға бекітіледі. 2017 жылы 22 мамырдан бастап еңбегінің зейнетін көріп, зейнетке шығады. Көп жылғы еңбегі еленіп, түрлі марапаттарға ие болды.