留意到影片內聲音有小小拆 為咗令大家有個更好嘅體驗 大家可以按 影片設定->音軌->中文（繁體） 咁就可以聽返個舒服嘅音效啦🥹 感謝各位！

今集個方向改變咗，唔再係人同人之間嘅愚弄，而係兩個人都變咗愚人，有好多嘢佢地自己都搞唔清，係好現實嘅一集。 單就一套短劇嚟講係好完整，演員們都做得好，特別係阿冰，做過電影主角後進步咗。 我會話係有期望落差，啲留言先會咁，主要係集中咗係J冰線，童富線只係提咗試婚紗 要結婚喇，麗英朱mic線只能靠估，確定唔到麗英幫童童試婚紗係抱住同童童係好姊妹嘅諗法定抱住對富哥仲有情感嘅諗法，我覺得係前者，但只係靠估。 相信觀眾好著緊麗英朱mic線嘅發展，如果加一兩分鐘比朱mic出埋嚟交代下可能觀眾會ok啲。 上年我留言話朱mic要等多年，原來朱mic仲要再等多年👋

@user-xy8il7kr1l

Ай бұрын

終於有個似樣啲嘅留言 🥹 始終薯茄有班比較年紀小嘅觀眾群，會覺得一定係要互相整蠱整出面嘅先係「愚人」，唔清楚成長後嘅現實世界，其實「愚人」係可以有更深嘅層次

@hongkonger1111

Ай бұрын

@@user-xy8il7kr1l 咁好多時依啲嘢都只係期望落差導致個評價係點，特別係依個系列係一年一次，做觀眾就更為緊張。 我又唔會刻意話我留言係似樣啲，始終每個人想睇嘅唔一樣，而明確嘅「愚弄」又真係喺前五集好明顯，今集係無咁明顯。

@sapphire_8567

Ай бұрын

@@hongkonger1111 每個觀眾理解到嘅深度都唔一樣 有啲可能真係睇面層 見唔到嘻嘻哈哈就覺得唔係愚人節 可能係要喺戲劇呢方面有啲鑽研先至會理解到吧 薯茄都咁多年囉 相信編劇嘅實力嘅💪🏻

@lamchunlap

Ай бұрын

@@sapphire_8567 ​我覺得又唔關理解能力嘅事。呢集有深度係毫無疑問嘅，但佢無咗個種人與人之間語言嘅藝術/真與假之中嘅博弈氛圍。如果佢係獨立一集講中年危機或者結婚年紀嘅struggle 我覺得一定滿分，不過如果擺落四月一號情人節系列嘅短劇就好似差咗少少味道。 要寫呢啲觀眾期望咁大嘅劇本真係唔簡單

雖然好多人話唔明想講咩，但係今集我反而睇到一齊咗好耐嘅情侶嗰種嘅無奈。冰冇郁啲就講分手或者走咗去，就算係無奈，都繼續一齊喺一張枱度食飯。就好似冰最後切得好用力，只係用呢種行為表達佢嘅不滿，但係都冇發脾氣。就係因為一齊咗四年先唔會輕易講分手，冰想J改變，J都想改變，但係J唔清楚自己想點。呢一集講咗真實社會嘅矛盾，同埋情侶對未來唔同嘅憧憬而衍生嘅問題。

@Chunyee222

Ай бұрын

一

其實不如直接出套劇啦，一年先得一集真係人都癲

好少留言，但見大家評價一般真係忍唔住… 個人覺得今年最好睇最寫實最心酸🥺👍🏻 冰啲戲好有進步！！微表情好到位，而J哥嘅演技又將角色性格做得更出，所以兩個嘅對手戲明顯張力大咗好多！ 劇情亦唔係大家所講冇推進，只係人物關係冇改變，而變化在於人物心理同階段，人大咗對戀愛嘅心態亦有改變，唔只係為咗一句「我鍾意你」而一齊，而係係要諗未來點先可以一齊繼續走落去… 心理階段有所變化，所以4月1系列對愚人節嘅定義都唔同咗，參考樓上有ching講：愚人節唔係再係愚弄大家，係大家都變咗愚人，大家都唔知自己想點，所以最後J冰先會咁無奈地、咁唔知想點地結束 整體而言成個劇本寫得好好，鏡頭靚咗，影得更有vibe，J冰演技又到位，中間不論劇情定對白都冇尷尬位，係睇到小薯茄整體嘅成長！雖然今年少咗兩pair係差緊啲咁，但好希望大家唔好覺得冇朱英=悶，而抹煞咗個咁好嘅作品🫡🫡 （唔關事但一定要講，麗英一開頭靚到暈，小妹係女人都想娶🫠❤）

當大家都覺得悶時，我倒感覺這次來得真、寫實。男的比較下只能活在當下、女的同樣有比較下也同樣有所追求。香港生活下的現實寫照，有種淡淡然對現在、將來的無奈

@user-xy8il7kr1l

Ай бұрын

同意，現實就係無咁多大團圓結局，好多愛情就係被現實打敗

@ningchan4123

Ай бұрын

@@user-xy8il7kr1l我個人感覺咁係幾好 張好現實既事實拎出來

@Geilojai

Ай бұрын

唔係悶唔悶嘅問題 你覺得個ending完得咁突然好好咩？

@winnieyuen6485

Ай бұрын

認同😢現實係殘酷

@bulala4599

Ай бұрын

話悶個啲可能都比較年輕 未明白有幾多人面對緊同一個狀況

第六回 “是婚，還是分？”

小薯茄觀眾普遍年齡較輕，未必感受過要迫切結婚嘅嗰種壓力， 所以可能難啲搵到共鳴位 (利申：我完全feel到兩位主角嘅struggle，因為我都有龐大嘅結婚壓力) 對於 J 冰線 定係 朱英線 冇乜太大意見， 但唯一美中不足嘅係唔太貼到「 愚人節其實先係真正嘅情人節」嘅題，小可惜。

@user-jc8sb2dp9p

Ай бұрын

貼到情人節我覺得，有幕男路人同女路人重新示愛，令冰諗返起當日佢地嘅野，但個電話爆左j冇做，我嘅解讀就係，四月一你先話唔做，你唔係玩呀關浩傑……… 咁

@test123yo

Ай бұрын

同意 差唔多30歲先會明先會諗

今次係咪會有下集？ 好短，而且咁樣停法，要等一年，好似有啲耐😅

其實呢條片堅寫實，明白劇情推進今次真係無乜…但都係未嘗唔係另一種寫實…當拍咗好多年拖都未結到婚，一個想結一個想但無行動嘅時候，睇到呢條片,就會明#利申拍左七年未結，我覺得停係呢嗰位完，係想帶出佢地之間嘅無奈同無語？ 繼續支持，希望下年會有多少少其餘兩對CP嘅感情線睇♥︎

真心好寫實😢經歷過就明

@Geilojai

Ай бұрын

明 不過咁樣嘅ending😅

我覺得拍得好好，劇情好寫實，完全反影到男女之間對將來有不同嘅睇法與無奈，好值得探討！小薯茄係一個陪伴住大家一齊成長嘅平台，我覺得佢地能夠勇敢地去發掘到不同題材，讓大家可以有唔同嘅視覺去睇，非常好！

今次好現實之餘，我覺得都有貼合愚人節主題 愚人既位係 當阿j拎個「戒指盒」個刻，阿冰以為阿j辭職係有好好打算將來，一打開阿冰個失望既嘢，再加上果一句「我都唔知自己想點 不如你話比我知我應該點做」，凸顯阿j係愚人/扮愚人？ 實際上食煮家飯個時，阿冰都已經講曬出面，而阿j仲裝傻扮懵將責任揼返阿冰 都好有愚人既感覺 冇可能所有ep都圍繞住「愚人節=真正既情人節」，而唔涉及其他方面既愚人內容

其實我覺得最好睇嘅都係三個女仔對戲😅

一開始嚇咗嚇，麗英試婚紗，阿冰竟然話人富實鍾意

下年可唔可以3 pair 一齊播🙏🙏咁樣可以做個比較，睇吓每pair 之間會點樣處理

@sapphire_8567

Ай бұрын

我覺得 或者分開三小集? 一開始就喺度嘅觀眾同埋幕後編劇 可能生活都好多經驗比較理解呢一集 但呢幾日見到留言都有講 薯茄嘅觀眾層真係好廣 而且亦都有唔少只係得十幾歲甚至年十歲都冇 呢個係佢哋嘅優點亦都係缺點 或者三條線分開講 一條線主攻年齡較細嘅觀眾 另外嗰兩條,編劇可以寫返成年人嘅辛酸?

@cheironllh5642

Ай бұрын

@@sapphire_8567 咁樣可能要用3年，每年一pair

@thotho1234

Ай бұрын

@@cheironllh5642 3條片用3年呀?🫢

少少意見，希望唔好介意 我覺得今次無論演員，剪接都進步咗好多，大家都專業，亦都十分好睇 J冰嘅演技好到位，亦都完全感受到佢哋唔同想法而產生嘅壓力 劇本其實都好好，睇完明白到呢一集想傳遞出嚟嘅意思，亦都反映咗對社會真實嘅面貌 但係好可惜嘅就係呢個劇本對呢一集對愚人節呢一個系列冇乜進展，亦都同之前第一至五回好直接關係，觀眾完全唔需要知道之前個幾回發生咩事，俾人嘅感覺就好似係一個獨立嘅故事，而唔係一個係列😢 始終愚人節呢個系列，一年先至會更新一次，大家都帶着好大嘅期望去睇呢一集，希望見到劇情有明顯嘅進展，而唔係原地踏步 我覺得呢個劇本當係普通微電影/drama咁出效果會更加好 雖然係咁，但係我都好希望大家繼續支持小薯茄，唔好因為呢條片而退坑，始終佢哋都用咗好多心機去製作每一條片，希望大家繼續多多支持，見證住佢哋嘅進步，一年比一年好，同埋辛苦晒各位有份製作呢條片人🙏

好寫實 情侶經歷完甜蜜期 就要一齊為將來打算 有啲似對稱返第一回

0:07 著婚紗 靚到！放喺度畀自己loop🤣 今集完全冇咗愚人節先係真正情人節呢個point🥲

@angelsun1368

Ай бұрын

同意...我覺得愚人先係呢個系列嘅精粹😔

@sandyshum6287

Ай бұрын

其實有呀，呀冰海邊睇到嗰對小情侶有演呢個point

見留言好多都話無推進劇情 但呢段劇情其實好true呀 作為婚前/分前小劇場 呢段無疑係相當重要嘅情節 另外想講呀冰講電話果段做得最好

@Rebecca0208

Ай бұрын

同意好true 呢part 係要讚 但一年一集啊 🫠🫠 唔係睇緊 一星期 五集啊

@user-if4td5jn1v

Ай бұрын

@@Rebecca0208 😂咁呢個出開係一年先更新一集嘛，我欣賞佢有種堅持

@Rebecca0208

Ай бұрын

@@user-if4td5jn1v 我都好欣賞 呢個模式 每年都好期待 但推進真係可以多啲 😂 而家講緊3pair 嘛 朱英零進展 🫠

er... 劇情推進 接近0 係知 (童富線) 童童將會同人富結婚 (J冰線) J哥都唔趕住結婚 估係已經知阿冰扮有咗 但又冇提過 有咩反應 ? Then 冰想 J唔想 - 完 (朱英線) 真係0推進

我見到評論區好多人話呢集唔好睇，我覺得係可能呢集太真實，講中佐好多人的現況，我唔知係換佐導演編劇，還是他們升級佐，我覺得比之前果五集都好睇，劇情系有推進，第一段就交待了童富已經要結婚，當然因為前幾日條片，大家想睇朱英，從麗英沒有抱怨來睇，兩人應該是進展良好，而冰J兩人的事件作為主體講述，係因為這是導演和編劇最想要講的事情。 這集有五段，有好多吸引人的地方，第一段在婚紗鋪（我想到金都）童童用針刺穿Condom是一個亮點，三人坐在一起的鏡頭導演安排得很好（所以不是換了導演就是升級佐），同時三人的演技是真的提升佐，用三年前做一個時間點的話，童童的演技從太過用力做多佐，到現在的啱啱好，我相信佢落左好多功夫（當然有可能是導演識教戲……），阿冰同麗英因為多佐電視和電影的演出，真系表現自然到位好多。 第二段冰J兩人晚飯，我覺得最引起共嗚的點係4:27 你知我冇乜錢……男人20歲后30歲前其實都冇乜錢，唔系買波鞋就係買相機，當然還有各種愛好，阿J講得好自然，但有個唔好嘅地方，鏡頭搖到我眼花，我就唔信會差一個腳架~~成段戲配樂把觀眾帶入佐兩個的空間世界（如果唔系個鏡晃動太多） 第三段又系一個經典的三人構圖，三個男人帶出三種唔同的諗法，6:06 邊有男人想結婚 呢度係一個共嗚位，及后又講出佐一個30歲女性普遍擔心嘅問題 第四段海傍的回憶系讓觀眾想起幾年前（物理上，我都覺得真系好搞笑，呢套片從愛情文藝突然變佐紀錄片~）的畫面，以及后面大伯的電話，都展現佐阿冰系好愛阿J，因為一個女人其實唔會隨便為一個男人講大話（希望阿冰可以拿到最佳新人獎） 第五段餐廳中只得兩個人，可以係反映現在香港的經濟，也可以係阿J課金包起佐餐廳嘅某個少人時段（男人成日冇錢，但有時又會好有錢），11:37 從呢度開始，請大家細看一兩次，阿J講嘅其實系好多人的心聲，無論男與女，好多人其實都唔一定知道自己想點，因為冇錢或者錢唔夠係基本乜都做唔到，好多時就算知道想點都無用，所以呢個位其實如果有共鳴的人係一個感動位，好真實呈現某部份人的現狀，贊多次阿冰將女朋友聽到之后果種無奈好真實咁表現出來，係 一種欲哭無淚的感覺，另一個要贊結尾配樂好正，但結尾前果個右移鏡頭我覺得多佐~~ 好啦，我好似睇佐一套90分鐘的電影，我睇完《填詞L》都冇同朋友分享咁多字，我可能CL佐，但如果各位有耐心睇完，請不要再抱怨話呢集唔滿意，呢集真係內容上比前五集要好

會唔會 導演或者編劇 喺daily開一條video 講下呢一集嘅創作理念或者想帶出嘅訊息? 睇啲comment大家都唔係好知呢一集個目的係乜嘢。始終呢個系列嘅每一集 我哋觀眾都要等一年先至有 唔想咁樣大家不歡而散

好有深度既一回, 大家都長大了, 反映愛情當中既矛盾同挑戰, 愛情唔只係開心甜蜜, 本應是個邁向幸福家庭的過程, 可惜現實社會的殘酷, 令人更無力走向婚姻, 真係好值得反思, 拍拖為咩, 愛情為咩, 結婚為咩, 同居同結婚一樣?... 一套好的影片就係可以令人反思, 非常高汁的演技, 期待來年大家各方面的成長!!!

小薯茄都成長了🚬好寫實

有番年紀經歷過既人先明 好觸碰到心 拍得好真好寫實 我夠膽講拍得好好

點解今年冇發展到朱英關係ga🥲 有小失望😂

其實四月一日呢個系列，最初都係由冰J而嚟, 而且都有3年冇forcus係佢哋嘅關係。今年講返一對情侶發展多年後的矛盾，正常不過。也睇到小薯茄嘅用心同成長。加油，繼續支持小薯茄！

睇完呢集，真係有種對阿J 失望，無目標，無承擔，無進步，剩係識得話愛，損友講兩句就信哂😮‍💨😮‍💨

@wkyyy-nd7sj

Ай бұрын

證明佢好戲咗wwww

@mhlam307_transport

Ай бұрын

Dickson好似對J都好失望

@wymanchan5403

Ай бұрын

Dickson 唔算損友啦

@MartinLeungChunYeung

Ай бұрын

Dickson同近南哥嗰part我會理解為J內心嘅掙扎而唔係真係有呢2個Fd存在

片後感： 吓？

呢集好寫實 有共鳴

等左一年...仲諗住會睇到麗英同朱MIC...點知冇..........仲要今年真係麻麻,冇左之前果幾集D感覺

@chf5977

Ай бұрын

今集係好真實情侶之間會面對嘅問題 太有感覺就真..

心情平服後諗返條片 如果以獨立短片黎講其實做得唔錯，片尾既沉默氣氛比到觀眾反思 阿冰演技又再進步左好多！ 但呢個係年續劇，有追開咁多年既小薯茄會覺得個尾無啦啦就咁就完，然後諗起又要等多365日先再有下集所帶黎既空虛感 本身特登cre左4月1假諗住今年都會有首播可以見到咁多位幕前🥲 或者係上年太好令到我地今年期望過高，我相信有好多小薯茄同我一樣由上年4月1期待足365日先等到新一集，先唔講朱英程童線發展，但整體感覺真係以系列黎講冇太大連貫，即使程童準備結婚都係輕輕帶過左就算（當然希望下年會補完返 有好多小薯茄留言都真係真心想你地好，亦知道高Ling你地會認真收集各方面觀眾既意見所以先會打千字文 我由WFH期間開始睇你地，睇住你地越搞越大由youtube跳到出運動會，商場戲院首播，舞台劇，幕前做埋電影演員，我地真心為你地覺得高興同自豪，所以希望你地可以繼續同觀眾一齊成長同進步 Anyway會繼續你撐我撐你，小薯茄加油！

好鍾意呢集 感謝小薯茄 冇因為標籤而停留 「兒童台」「合家歡」 但總有驚喜 好多兩人相愛嘅故事 明明兩邊都冇人想對方唔好 但就因為太過著緊而失焦 冰同J啲演技提升咗好多 J好融得落呢個角色 呢個性格 都好展現到 明明好愛 但好傻為保護對方而寧願唔講出口 自己獨食感受 其實自己都唔好受 冰好叻 表情細節細膩過以前 其實十幾分鐘都好有張力 好貼地 好有感觸 好有共鳴 嘅一集 貼社會氣氛 打中風氣、文化嘅盲點 慢慢咁 社會唔少男性 被迫到只能夠於沉默、責任、與迷惘三者之間盤旋 而女性 則隨著時間 被漂上標籤 被焦慮吞噬 變得唔似自己 細思 其實觸動心靈 感謝你哋幕前幕後每一位

WA 我最期待 麗英朱MIC

@user-cq4jg2jm2x

Ай бұрын

今年無,要等第七回😭😭😭

又一個好短劇，雖然同上集真係冇乜連貫性，但要交代的都交代到。 今集同前五集最大分別係冇咗個戀愛feel，所以好似冇咗愚人節=情人節嘅意義。 J冰對手戲好自然，做到真係情侶傾結婚鬧交嘅感覺。 0:07 麗英著婚紗真係靚爆，有一刻以為自己要死🤣 其實佢哋要每年做個續集，真係唔容易。每個人都有期望，但做編劇嘅唔一定要因應大家期望嘅做出嚟，佢哋有佢哋嘅plan。知道好多人同我一樣都會有啲失望，但相信佢哋會出更多高質片，繼續支持小薯茄❤️‍🔥 BTW有冇人都留意到 0:05 阿冰一見到麗英出嚟時，個畫面係冰有起身嘅動作，但再下兩個shot先再起身。 仲有 1:49 冰攞套時，兩個shot個手勢都唔同，個套金黑反轉咗。🙈 係咪唔連戲？🤣

感動的無奈揮手區

舊年有去星影匯睇第五回，記憶猶新。😊

今集好睇～好寫實！

拍耐左拖 真係會咁 溝通好自然但都好吃力 處於「渴望新階段」同「覺得改變唔到而唔想勉強」嘅中間

又要等一年？ 我希望我條命有咁長睇曬3pair嘅結局😂 ps我係好中意呢個系列的 ❤

愛情，如同追看薯茄台， 起初以為能永遠呵呵哈嘻， 卻不知，隨著歲月悄然流逝， 我們都必須面對現實不斷的變遷。

好寫實既一集；好多時都會唔知點同自己既伴侶去講自己想點（我有時都唔知點同自己女朋友講我有d位想點）

一口氣睇晒六回 喊到⋯🥲🥲🥲

好寫實 好演技 respect

話對條片失望既人係幸福的（明既明

咁樣就完左 真係愚人節快樂😂

此愚不同彼愚，今集超認真制作，被愚到了

有dickson又有近南哥既喂，正呀😂

嘩😀😀個結尾留得太大啦掛🤪🤪岩岩入戲肉要等成年先有得再睇

本身係最有共鳴嘅系列，每集都好touching，今年完全感覺唔到，少少失望

好好睇，加油❤

好好睇

對比起其他人覺得悶 劇情零推進 小弟反而覺得係大家都成熟咗 focus 嘅位唔同咗 呢個series 都拍咗幾年 演員甚至係劇中嘅角色理論上都有成長 唔會再係大家一開始睇嘅puppy love 反而多咗寫實 多咗對現實嘅描寫 多咗成年人喺愛情中嘅矛盾同衝突 可惜嘅係可能年齡層嘅差距 部分觀眾仲未能有共鳴 要讚嘅其實都好多嘢 一連煲哂咁多集 反而覺得呢一隻係最出色 劇情描寫細膩 演員演技更自然同質素都有提升 鏡頭取景角度都好有心思 最後希望一眾演員同幕後都唔好灰心 睇得出呢一集係一個大膽嘅嘗試 都係嗰句可惜有啲觀眾未有共鳴 期望小薯茄繼續突破 再接再厲 帶更多驚喜俾大家

等咗一年，今集劇情真係麻麻，不過都支持冰J ❤

嘩 阿J 有2大男神加持 真係無懈可擊 。

好驚喜 見到專家Dickson😍😍😍😍💜💗

如果可以扣緊返四月一日情人節既主題會好啲，宜家變左有啲一般愛情片feel 同埋上年先講緊麗英鍾意程人富但要幫佢求婚，今年代童童試婚紗，佢仲對人富有冇feel?希望出年都可以交代一下

期待已久❤❤🙏🏻😆

期待好耐的4月1日情人節終於有新一集！ 我諗今集想表達係情侶發展中，會發生嘅事，例如結婚，生BB等... 我諗呢個亦係新方向，唔係同另一伴講愚人節快樂... 同時，阿冰經過海旁，見到類似第一回的自己，會回想自己當初咁做係唔係真係想同阿J一齊，定係愚人？ 上年有講過樣野，就係現實化咗 例如有浸浴 今年應該係更現實生活，所以會有好迷惘嘅情節，我估有啲觀眾未必睇得明。可以慢慢理解，或者問下身邊人，你會了解現實真係會發生呢啲嘢 但阿冰驗孕棒呢個真係fake曬🤣，完全估唔到！ 麗英著婚紗呢個真係癲咗！勁呀！！！ 亦估唔到有客串同幕後演出！ 今集入到戲！期待下年會有咩發展！ Btw 留意到今集有啲爆咪，希望能夠改善！

好沉重 😅

對於我呢個已經唔記得晒之前嗰幾集講咩嘅路人嚟講 今集真係好touch到我

等咗一年 但係今集三對CP好似冇乜劇情進展咁 今集淨係Focus喺J冰線但係又冇乜發展

@user-xy8il7kr1l

Ай бұрын

情侶去到適婚階段，面對兩個人對婚姻嘅想法唔同，其實係一個好大嘅進展（可能你未到結婚嘅年齡唔明 😂）

好期待啊❤❤

好真實🥲🥲 聽過好多感情都係咁 期待下一集！

今集其實好寫實 好沉重😢係一個女仔等男仔成長嘅故事…睇到大家覺得呢集悶 平時冇點留言嘅都要留言支持下！ 見大家話故事冇乜推進 我諗係角色變化唔明顯？阿J最後都冇改變，但其實阿冰可能有？佢可能放棄咗結婚嘅諗法，最後冇講到分手繼續食飯其實係因為仲愛阿J…雖然呢刻嘅阿J冇變，阿冰話等唔到，但其實仲一直等緊（女人口是心非😂） 呢個ending都算唔係sad ending?因為至少佢地冇分手，可能會當冇事發生，拖落去。因為現實可能好多情侶都係咁。仍然愛大家但係發現步伐唔一樣！寫實max 而對於愚人節唔貼題，的確係冇以前幾集咁冇劇情反轉。冇講到愚人節快樂，係有啲可惜嘅～不過細心睇返 7:55 「呢個講法好多年啦，唔好咁幼稚」 其實都講咗今集阿冰嘅諗法？覺得阿J對未來冇諗法，以為玩星星就哄到阿冰笑，呢啲幼稚行為～今集嘅愚人其實就係冰J，大家唔再係講笑，選擇咗做愚人。愚人過的情人節🤔 今集唔係朱英其實都合理嘅（雖然好想知朱英會點😭）因為上集彩蛋都幾明顯下集係會講冰J～希望下年有朱英啦😭 小薯茄加油🎉冰J演技大爆發 睇得出幕前幕後都成長不少！

唔太明點解大家咁大反應，從來都無話要承接上一年嘅劇情或者推進邊條感情線又或者關愚人節事。今年劇集J冰之「不想結婚的男人」其實好寫實，睇到小薯茄大家既成長，反思緊嘅情侶問題係三十而立要考慮嘅事情。「四月一日情人節」都到左第六回喇，六年啦，由阿j用愚人節做掩護同阿冰表白到今集，大家都長大了，小薯茄無可能原地踏步，要繼續向前行。小薯茄同大家一齊努力長大吧！

@manyingwong4360

Ай бұрын

問題係佢之前幾回都係有關聯 而且都link到愚人節=情人節既主題 今回係現實 但係真係同個主題冇咩關係 而且劇情黎講其實可以普通出條劇情片就可以 我覺得佢諗返阿J表白個幕只係勉強想link返呢個系列 但作用不大 同埋大家咁大反應都好正常 始終一年先出得一條 而且上一回做得太好 先會期望落差 而且今回個ending比起之前更加唔知想點 先會咁多人失望 我自己都鍾意佢講結婚呢個topic 只係我覺得唔應該放係呢個系列

sad到癲

大家都覺好悶！ 但我覺得好真 同好有feel😢 明既人就會明！ 有時有d 野 唔係你想就有！ 當下 同 將來 好難去簡 ！ 再多既承諾 都不及 結果既重要性 ！ j 同冰都做得好好！ 好想知 final 係結定分！ 期待 ❤

順心+計劃=無悔

好好睇arrrr❤🥹🥹

拍多條朱英好啲喎😊

希望有下集或者拍下日常生活劇情片🥹🥹

對白設計得好好 J冰演技進步左😊

睇到好唔開心😔半年前同拍拖7年嘅女朋友分手。其實最緊要大家肯一齊討論，講出大家心入面嘅想法，互相遷就，一齊去搵共識，只要相方都仲係愛大家，相信都唔會有問題。可惜我對ex逼婚處理得唔好，到最後佢已經唔再愛我了🥺

@wymanchan5403

Ай бұрын

溝通好重要，真係要講。 一人婚禮 最後同男主角講嗰d嘢

感情去到某個階段唔前進唔進步，最後都只會.......，可能這個年頭唔興結婚，但若果一對戀人無共識最後都係會有問題。阿J在劇入面話唔知自己想點，其實佢點會無，就係玩玩玩，唔想有太多野去煩去負責任，有錢就買玩具去旅行，做乜要想?這個可能就係佢的理想了。

@ningchan4123

Ай бұрын

結婚仲大壓力😂

@user-nn8yy4dx6t

Ай бұрын

​@@ningchan4123所以佢唔想有壓力羅

2:28 嗰蕃茄炒蛋留返嚟整雪糕啊嚒，水啊！

雖然今集真係短咗D, 同埋完結個下有D突然, 但係今集完全寫到男同女係結婚關口個種對立同矛盾, 真係要經歷過先會明白同體會到, 明明知對方想點都要扮唔知, 明明自己心裡辛苦都要唔出聲, 兩個人一齊耐咗, 就係要呃呃氹氹, 真相說穿咗, 結局就會不一樣! 一年一集真係好耐!!

睇完第六回，感覺似飲咗杯「白開水」咁，係有嘢飲咗落肚，但又嗒唔出味道。

期待‼️‼️‼️

今集好寫實，冰做得好好，好feel到果種聽到你叫我話你知點做，然後內心好多野但講唔出口既感覺，我又覺得幾好睇❤

每年一集🎉 啱channel如果未換老闆，保安系列都六集了

Sorry 無睇開，但我覺得好好睇，會追返一至五集❤❤❤

我同女朋友拍左拖今年第12年了，今年呢集係第六集最傷感一集，對於我黎講係最有感覺。 由以前拖開開心心，你玩下我，我玩下你，鐘意洗晒去就洗晒去，已經係最開心的事。 但日子耐左，佢地戲中30歲，而我們今年29歲，慢慢面對佢地既問題。 由其是丫J所講其中一個好重要既POINT「你知我無咩錢架」 你們可以話我無用、自私，但是結婚真係要洗錢考慮。 而一直以黎大家愛大家真係關於錢事咩? 所以我好認同丫J係愛呢個POINT， 但實際又幾多人明白呢個道理， 其實女朋友都明，正如冰戲中都繼續食晚飯，而唔係走左去。 但現實就係咁殘酷，兩個人相愛咁又點? 你估丫J唔想同冰講辭職，係無面講，點解唔堅持落去?點解唔為左冰去堅持? 肯去試已經好尊重，如果係我點解簡唔做，最大可能要靠女方關係先成功， 根本仲點見佢家族，所以就係樽頸位問題。 兩個人居已經好開心，而我一生人真係一早認定呢個女朋友， 根本唔可能離開佢，但結婚可能真係從來都唔係兩個人既事掛..... 我覺得今集真係再做得好D，係希望可以長D，比返個希望同正面我呢D人咁， 原來最後都能夠同最愛既人可以結婚同開心一齊生活，已經係好好了.... 至少有希望.......

@xxxxxxLAI

Ай бұрын

或者你唔好諗到咁複雜，我都13年，無戒指、無擺酒、無影婚紗相，只要自己同另一半接受到只簽一張紙，其實其他人講乜都控制唔到你。對住另一半係坦誠同體諒重要過面子呀，我另一半欠卡數都係7年後先話我知，佢以為我會分手，反而我怪佢無工返無錢係要出聲，佢又唔係無搵，未搵到之嘛，蝕晒啲錢俾利息。會珍惜你嘅就會一齊努力，如果唔係，幾多年都要趁早分開啦。 如果你同另一半都重視對方，討論下簽紙先啦。我哋無通知任何人而去簽紙，即刻申請白表，第一次就中，即刻解決咗居住問題，屋企人無乜嬲都開心，你唔做唔會知，或者結果會令你喜出望外。你知唔知簽張唔係為咩，最重要係touchwood有咩事，對方係法定配偶可以簽紙做唔做手術。我真係聽過一對好多年嘅情侶就係唔係法定夫婦唔可以簽名做手術，好在對方屋企人趕到。 希望我嘅經歷鼓勵到你同你另一半，但共識同體諒好重要，我哋相處係講明「我想講樣嘢，你唔好嬲。」，然後講咩都係討論同嘗試理解，唔會嬲，要講得出做得到先得。

@catschronicles0518

Ай бұрын

@@xxxxxxLAI 你真係講得好好...我們既相處有樣野係好小朋友，咁多年佢無厭棄過我，我真係好感動，但坦誠真係好難，過唔到個關...好似我借左比Fd $50000，到依家人都消息晒，我自己就仲差卡數，仲想講比未來人，真係好難好難。但好多謝你鼓勵，至少原來可以簽字先，我曾經想過，我會唔會好自私，但愛人應該就係咁自私。 其實戲中個種無末來感，我真係好體會到，兩個人都好無力，但明明愛大家，結果怪自己唔爭氣....但呢一刻我未做到，話要28歲前娶佢，結果講得出做唔到。呢段野放左係心入面都幾年，第一次因為咁同人分享，有D舒服左....我真心多謝你。

@xxxxxxLAI

Ай бұрын

@@catschronicles0518 唔好怕講俾對方知，依樣都係你嘅真實情況，愈遲知會愈差結果。我另一半差幾十萬，我用晒自己嘅錢加借錢幫佢還清，起碼無咗利息上升先，之後身邊先有人知道就話我傻，但錢係我嘅，我信自己嘅選擇就得。而且，佢講完之後，我哋之間更加乜都講，佢無再因為面子而收收埋埋，感情更好。如果你有工作，你考慮下去銀行借盡，正常係月薪12個月糧，一次過還晒卡數先，再每月還銀行，記住唔好拖，愈拖愈難還。你要信自己呀，至少你信自己，你先可以俾到信心對方。難聽啲，如果你另一半因為咁而離開你，你都要諗對方係咪一個可以「共苦」嘅人，不過前題係你要檢討自己係咪一個值得共苦嘅人。感情事係你同佢，在乎其他人之前，先處理好雙方嘅共識先，加油呀！

好寫實，好似講緊我以前咁。

好寫實🙂‍↕️現實就是這樣吧

哎吔。。。。點算呀。。。。要等多一年。。。。

還我朱英！（劇情幾好but應該放係第7回

金像獎準新人獎得主嘅演技不是蓋的！ 阿冰好戲！❤

@atiR.19

Ай бұрын

都係，阿冰都真係幾好戲

其實 會唔會呢個plot 先係最大嘅愚人…? 上年啱啱推出嘅感情線 今集冇推進的確有啲失望嘅 不個小薯茄都咁大個喇 我覺得編劇都有佢想帶出嘅信息嘅 可能喺深層 我哋呢啲年齡較細嘅觀眾未必身同感受 但係見到好多成咗年嘅觀眾都話好有feel 我覺得編劇已經達到目的 最後無論點都好 多謝小薯茄堅持呢一個系列 ❤

點解唔做麗英條感情線😭

一年先得一集3 pair 劇情推進可以大D，呢集寫實題材可以放喺平時既劇情片。幾鐘意今次邀請咗Dickson 同近南哥。❤小薯茄

其實都好睇架，不過就想睇我鍾意嘅cp開花囉😢

講到尾說明左女人去到某個年紀就會由追求愛情轉變丁追求麵包。對於所謂「唔長進」會越睇越唔順眼，最後就如連登仔所講「搵Ｄ搵到錢的毒撚埋單」。個過程係好殘忍但好現實。

隨著回數增加，劇情亦越嚟越緊湊

兩個演技都進步咗超~~~~多 Dickson 做戲都好好🤣 同埋劇本都寫得好咗！啲對白自然咗，有呼應得嚟又唔會太明顯生硬 係估唔到真係完全無其他線🙈

四月一日情人節 2018年第一回= J冰 2019年第二回= J冰的春天 2020年= 生化危機3重製版 2021年第三回= 富童 2022年第四回= 富英 2023年第五回= 朱英 2024年第六回= J冰的冬天 2025年第七回= 富童/朱英 第一回係真愚人節。 第2至5回係各感情線的開始。 由於所有感情線已開始，因此由今回開始，係各感情線的冬天。

阿冰：我唔想等啊。。。我心真係好痛，完全照進了我的現實

我覺得情侶要「蛋白」， 劇中J冰， 可「蛋白」講， 就少了隔膜。

其實條片高質又貼近期最hit話題