Space TV-də yayımlanan "İdman Hamı Üçün" verilişinin BOK-un Olimpiya Həmrəyliyi Fondu və BCF-nin dəstəyi, həmçinin MOK və ACF-nin təşkilatçılığı ilə keçirilən BCF Akademiyasının cüdo məşqçiliyi proqramı və seminarın sertifikat təltifetmə mərasiminə həsr olunmuş buraxılışını sizlərlə bölüşürük.
Fevralın 9-da Azərbaycan Cüdo Federasiyasının (ACF) idman zalında Beynəlxalq Cüdo Federasiyası (BCF) Akademiyasının məşqçi sertifikat proqramında iştirak edən məşqçilərə sertifikatlar təqdim olunub.
Mərasimdə Gənclər və İdman naziri Fərid Qayıbov, Azərbaycan Cüdo Federasiyasının prezidenti, Rəqəmsal İnkişaf və Nəqliyyat naziri Rəşad Nəbiyev, MOK-un vitse-prezidenti Zemfira Meftaxetdinova, baş katibi Azər Əliyev, Beynəlxalq Cüdo Federasiyası Akademiyasının direktoru Envik Qalea, ACF rəsmiləri və cüdoçular iştirak ediblər.
Xatırladaq ki, ötən il də BOK-un Olimpiya Həmrəyliyinin dəstəyi ilə 80 məşqçi eyni tipli kurslarda iştirak etmişdi.
Bu kurslarda Azərbaycanın müxtəlif bölgələrindən 63 və eyni zamanda başqa ölkələrdən də məşqçilər iştirak ediblər. Kursları həyata keçirmək üçün Beynəlxalq Cüdo Federasiyasının Akademiyasından 10 xarici ekspert ölkəmizə səfər edib.
#olympicsolidarity #judofederation #ijfacademy #olympics #IOC #IJF #TechnicalCoursesforCoaches #teamaze #strongertogether