五六十年代 澳門， 綠邨廣播電臺 逢星期一至五 下午四時至四時半 有 黃德森 瞽師 彈 筝南音獨唱 如 金絲蝴蝶(曲) 亦 悅耳動聽 韻味泱然 當年乃 父親至愛節目之一

霸王別姬杜煥演唱杜煥撰曲 (南音)耳邊忽聽人喧噪，驚覺前營系散楚歌；觸起我英雄難把女助，唯有仰天長嘆你話奈誰何。記得夜宴鴻門系我當日錯；辜負了亞父咁忠良佢擊碎玉珂。可恨詭計陳平將嫁禍；重更兼韓信與蕭何。俾佢明修棧道暗把陳倉過；致令我鞭長莫及怎去逞干戈。大將張秦又兵折楚；致令三秦連敗似東逝江河。今日被困孤城恨我兵馬墮；試問點能對陣再去逞干戈。你睇彭城九郡更了旗號；就把鴻溝之地割去求和。今晚四圍困住就好似重重包裹；聽否簫聲齊唱個首月華歌。一定係軍心含恨就離拋楚；亡秦三代功業一旦銷磨。今晚帳裡擔愁兼懊惱；令我倒豎鬚眉怒氣多。我苦對虞姬 (王白: 虞姬呀) 真係愁悶坐；心如火，怨句蒼天唔憫我，致令江山難挽要捨卻嬌娥。乜話個陣虞姬聽罷，就嚇到膽落魂亡；我忍淚勸王何用得咁悲傷。有道話吉人自有鹹亨象 (姬白: 主上呀)；勝敗兵家也系尋常。我勸王暫且開懷抱；好待妾身為你擺上玉液瓊漿。我記得你話過飲一杯能解百悶；同你痛飲三杯就把萬慮也銷磨。記得妾伴聖君隨御駕；你記否烏騅常及妹嘅雕鞍。君呀你係百戰英雄試問誰係你敵手；何曾棄甲曳彊場。今日雖係逢難在故陵催戰下；好待帳前我再共主飲霞觴。明日好去沉舟來破斧；又何愁三鼓不復咸陽。個陣霸王聽罷，就對虞姬講；悶酒翻來會碎我膽肝。你都不須提起我當年事；講起我往日嘅英雄我重更斷腸。想我興兵年十八；重有八千子弟護我戎裝。記得七十陣交鋒未曾敗過一仗；就分明手段系我最高強。今日天公一旦要虧亡我；將我人心催散往何方。九里山前聽否孤鶴唳 (王白: 你睇下)；你睇嚇四邊埋伏猶似鐵壁銅牆。一定係我項羽不該為帝主；所以自系范增亡後個的將服劉邦。我虛勞兩臂枉有移山力，枉有移山力；有誰知未曾滅漢我地楚先亡。自思糧盡兵微寡；雖欲殺出重圍想話脫禍殃。總系獨惜嬌妻柔弱質，嬌妻呀你係柔弱質；恐憂相顧阻你行藏。不若各人分手自去投生路 (王白: 你唔怕嘅)；君前你可以獻媚佢一定惜紅妝。江山兩字我今日難相保，我難相保；所以出於無奈致有捨別妻房。 個陣虞姬聽罷，不覺淚拋沙；聽聞君話真係咬碎銀牙。王呀自系奴奴當日歸你帳下；估話恩同山海疊重加。只望天長同樂耍；重話逍遙歌管樂繁華。記得玉手相攜隨御駕；我估今生緣聚在帝王家。與你朝遊鳳閣觀圖畫，咁就觀圖畫；晚倚龍樓看落霞。曾記扶我同上馬；當日金鞭敲落海棠花。征袍戰甲估你唔被掛；又估丈八蛇矛唔使手內拿。幸得功高王號霸；誠蒙恩寵呢個女嬌娃。願王一統歸華夏；添花錦上萬年華。誰望玉崩和解瓦；今日翻成秋水冷蒹葭。王呀拋棄奴奴你講得出無情話；我決無春衫重整另抱琵琶。王呀你待我厚恩豈有唔念掛；我係忠臣烈女死也無他。王呀你既然話唔帶妾身同去罷；咁我早在黃泉下，盡節在你跟前下，可以免王心事你為我亂如麻。 個陣霸王聽罷，就不覺更傷悲；佢話妻呀誰無死別與生離。今日非系寡人想拋棄你；只為勢窮就無計共你再效於飛。你重聲聲盡節話要存終始，你話要存終始；恨我唔能攜帶妹呀共你馬上奔馳。只有堆成血淚如山積；似踏破蓮花遂馬蹄。我地帳前休講閒風月；等我共娘你題下一首斷腸詩。(唱者停音樂白: 力拔山兮氣蓋世)，時不利兮騅不逝；你話教人何忍兩分離。等我題罷淚痕施眼睇；又見龍泉三尺閃閃生輝。我欲將一劍把佢歸泉世，把佢歸泉世；試問幾番唔忍事覺難為。霸王抱劍又覺心頭翳；又到美人伶俐一見就知機。上前扯住王金帶；就將龍泉一手奪過在手中持。個陣項羽思前只得由妹意；任娘生死就詐唔知。此際項王就擰歪個面；虞姬抱劍淚如珠。長嘆一聲以後難伴主；覺今我係一個福薄娥眉。佢唯有盡節來報主；就將龍泉一劍割斷喉咽。一跤慣在塵埃地，慣在塵埃地；項王一見就吊膽肝離。好似百顆明珠一旦拋落水；千重嬌媚在我眼前低。英雄忍不住腮邊淚；我竟然低卻丈夫眉。見佢鳳眼一雙還未閉；重有香唇秀色尚如珠。玉碎珠沈人委地，佢嘅人委地；忍見羅衣尚帶血淋漓。等我割下玉容嬌首記；忙將黃土護嬌屍。卿你香魂艷魄此後埋芳塚；難捨香魂半掩泥。真係幾回寸斷肝腸肺；一聲妻呀兩相依。願你英靈隨我徵車去；殺出重圍把脫離。妻呀你生前有恩王有義；莫話黃泉碧落就把情欺。生生死死我難離你；不過兵臨城下致兩分離。說罷蛇矛槍就舉；連忙踏上馬烏騅。沖天怒氣生三味；又聽金鼓碎，英雄偷抹淚，虧我項羽羞顏覺得無面歸期。

七絕《杜煥》牛騎馬 千古絕唱聽不厭，解愁解恨解悲怨。 生前聊落窮困苦，死後留名千古頌。

四言詩《杜煥：南音》牛騎馬 天簌之音，慷慨激昂。 扣人心弦，蕩氣迴腸。

七絕《杜煥南音》牛騎馬 飄泊紅塵話香江，南音杜煥歷滄桑。 艱難苦困消逝去，繁華盛世唱南音。

多謝上載，我年纪開始老，才愛上地水南音，喜歡它的韻詩

四言詩《杜煥：南音》牛騎馬 哀聲悲淒，動人心肺。 幽怨感人，賺人熱淚。

四言詩《杜煥：南音百聽不厭》牛騎馬 聲聲感人，字字清澈。 用心靜聽，何須有字。

杜煥，南音一 絕

我紀得小時後（約3至4歲）在香港電台聽過，但當然並不董欣賞，現在從新認識真難得

粤曲 南音 每一音節 唱腔 都能 滲入血液中 共享 其情其樂 😍

真好味😋！👍👍👍❤️❤️❤️

怕有年紀嘅人先會欣賞~~不過,家陣只可以喺電腦上聽,冇機會喺茶居聽到呢啲~~越有年紀越想喺茶居聽到地水南音~~

好到不知點形容，後来巳成名者，還須努力。 要捱過贫苦魔劫，才能唱出絕路之情。

多謝上传。此版本我找了很多年了。谢谢

@andrewchen9576

5 күн бұрын

我听杜焕的南音来助睡。

五絕《無題》子桓 成王敗寇戰，千古帝皇事。 殺戮坐江山，杯酒釋兵權。 ​

THX ❤❤❤❤❤❤.

🤗🤗🤗🌈🌷👍

好可惜冇字幕，未能細讀內，因為很多字聽唔到

中大中大 那麼珍貴的影片 竟然沒有字幕 真係有冇咁大意咁粗製濫造

@oneofhksar

7 ай бұрын

agreed

七絕《無題》子桓 問君能有幾多愁，煩惱因為強出頭。 命裏有時終須有，命裏無時莫强求 。 ​

太後生唔識聽㗎！

@fcw1398

2 жыл бұрын

本人60年代當見習建築師時被派往四層高的舊樓裏面逐層量度建築物尺寸，并根據每戶佔用面積列明細表（作搬遷賠償金額依據），供業主呈租務法庭打遷拆官司。 經常在場聽到麗的呼聲或收音機收播南音曲，當然、其時無興趣和不為意。 到踏入60歲後竟然周圍去買南音光碟聽

@TomTom-og3tv

2 жыл бұрын

@@fcw1398 Architect 品味高；證明南音 都幾正㗎🏆

@fcw1398

2 жыл бұрын

@@TomTom-og3tv 仁兄、唔敢當、失禮曬。

@AbC-db7ox

2 жыл бұрын

我十幾歲都覺得幾好聽，南音運用音階即興嘅方法好有趣。

@fcw1398

2 жыл бұрын

@@AbC-db7ox 仁兄 閣下頂有天份。十幾歲識聽南音、可謂年少老成！果然後生可畏！🙏 我廿幾歲時聽過一陣、唔識欣賞。直到58歲退休後、偶爾聽一段客途秋恨之後，才愛上和追聽其他南音樂曲⋯⋯