超簡單，只需要撈埋就可以做到一個超正既泰式焗豬頸肉啦。為左要盡量還原泰式風味，所以材料可能會多少少，詳細份量會放響片尾。
我哋先調較左個醃料先。
首先我地切碎尐蒜頭啦，份量大約 15克
椰糖 30克，我地切碎佢就比較容易同其他材料混合
加入白胡椒粉 1/2茶匙
一湯匙既蠔油去增加個鮮味
一湯匙生抽就係個咸味
做泰國野魚露當然唔少得啦。
做好做醃料就處理一下個豬頸肉先。
豬頸肉解凍左之後就用㕑房紙印一印水先
今次我地用左兩塊豬頸肉，響豬頸肉兩面都用叉平均去插洞等醃料更加易入味
之後將豬頸肉放入醃料入面，𢲡一𢲡佢，然後將豬頸肉放入密實袋入面醃最少 6 個鐘頭，最好就醃過夜啦。
焗爐預熱180度
豬頸肉醃左一晚就拎出黎放上舖左鍚紙既焗盤上面。然後放入焗爐入面焗20分鐘。
其間我地做埋個蘸醬先。
有少少材料可能要去搵一下既。首先就係2 湯匙既羅望子醬啦。
2湯匙魚露啦，泰國野必須既。1/2 湯匙椰糖增加番個甜味啦，用蔗糖或白糖得唔得呢。佢個甜味會唔同左，會少左尐椰香。
再加入半個湯匙青檸汁。要個醬有少少沙沙地既質感會加入半湯匙炒糯米碎。
最後加入約 1 茶匙紅蔥頭碎啦，1 茶匙蔥花，同埋1 茶匙芫荽葉，之後拌勻佢。咁個醬就做好啦。
豬頸肉出爐啦，咁我地逆紋切，咁個豬頸肉會比較易咬。亦都可以打斜少少把刀去切片，咁呢就會大塊少少。最後就上碟啦。
呢個充滿左泰國風味既豬頸肉就做好啦。大家都快尐試下做啦。
記得訂閱我地嘅頻道
1訂閱 = 1支持
你地嘅支持好緊要架
記得俾埋個like，再share我地段片
💡如果想睇到我地最新嘅影片，請按『Following』（追蹤中）再禁『See First』（搶先看）
Welcome to my social account
Facebook： / dokimoments
Instagram : / mrchriskwok