الليل وقنوف السحاب المراديم عنصر رئيسي للسهر والتعاسه مع البهيم الطيبين المناديم ماغير انا والهم راسي وراسه والوجد والنوبات والهم والضيم الله وامانه حارستني حراسه على الضلوع العوج وقع المياسيم مثل الكتابه في فصول الدراسه سويت للراحه والافراح تعميم وصارت مثل وضع الخليج وحماسه خمس اسنوات اعيش رحّال ومقيم الطرقي اللي راس ماله لباسه في مهمهٍ كل الليالي معاتيم غاب السفر عن موق عينه وحاسه مسنْي وراحلته شليل ودراهيم يطرد ورا حلمٍ بعيدٍ مراسه فـ اعرافنا قتل الطموحات تجريم ياللي تحسبون الليالي وناسه اقف مع الماضي محبّه وتكريم يازين لوعاته ويازين ناسه .. وعلى تأمل صنعة الخالق اهييييم سبحان من نزّه عن العيب ساسه اثر التأمل طب جرح المظاليم يطرد تعب روحه ويطرد عماسه تحتار فالليل البهيم المفاهيم يمكن تسبب للعقول انتكاسه اباطرة علم الفلك فالاقاليم ماعندهم علم صريح وسياسه كيف السماء زرقا وكيف المطر غيم وكيف الظلام الصبح يسرق نعاسه اية كريمٍ علّم الخلق تعليم يرجيك عبدٍ زوّد الوقت باسه وعلاج نوبات الهلع يا ابراهيم اليا تمثنى مشّة الراس راسِه كنّه يوزّع فالخلايا تقاسيم مافيه عرقٍ ينبض الا وداسه حنّا يالولا فزعة الله معاديم لاعاد يا ابراهيم ترفع قياسه طبّي وطبّك ياطبيب المساقيم فالمصحف وتأملّه وإقتباسه اخذ الوداعيّه بعد ما انتهى التيم اللي تذكّر كل نسّاي ناسه ياغايبي غيبتك للذات تحطيم شاعرك لو تقدر تواسيه واسه والله يديم الللي كفوفه كما الديم ما ارتاح لين اقبّل ايده وراسه

@user-dj1qu9mr6d

3 ай бұрын

صحت الالسن وعزالله ابدعتم جميعاً ❤️

لو نقول نخلي اللحن على جنب لان نجاح الشيله منه فالغالب لكن ذالمبدع ينقي القصيد الجزل بعد. ارفع لك القبعه يامشعل 👍🏻

ابداع وفتحت لي جروح

الله عليك وصح صوتك انت نجم ولك مستقبل كبير وفالك التوفيق ❤️❤️❤️

مبدع مبدع يامشعل اعمالك الفتره الاخيره كل واحد افضل من الثاني وانت مبدع صح صوتك❤

يا جمال هالليله بصوتك 👏🏻🤍

مبدعع مبدعع❤

مبدع يالشيخ والى الامام

أبداع رووووعه ❤

متاثر بسفر جداً ، اعجبني وناصر انا احبه من مبطي