🏞️👩‍🌾 Булаг гэж юу вэ?
Хөрсний усны түвшин газрын гадарга руу дээшлэн ил гарсныг булаг гэнэ. Булгийн ус нь янз бүрийн чулуулгийн нүх сүвээр дамжин урсдаг тул ихэнхдээ цэвэр тунгалаг байдаг. Хуурай, гандуу уур амьсгалтай манай орны хувьд булаг нь хүн, малын ундны усны маш чухал эх үүсвэр болдог тул булгийн эхийг сайн хамгаалж байх шаардлагатай. Ингэж хамгаалснаар, булгийн ус нь голуудын эх болон том жижиг гол горхид цутгаж, голын урсацыг тогтворжуулж, газар доорх усыг сэлбэнэ. Мөн бэлчээрийн усан хангамж сайжирч, хөрсний чийгийг нэмэгдүүлэн, ургамал ургах таатай нөхцөлийг бүрдүүлдэг.
Булгийн эхийг хамгаалах нь уур амьсгалын өөрчлөлтийг сааруулахад ямар үр нөлөөтэй талаарх богино хэмжээний нэвтрүүлгийг хүлээн авна уу.
Энэхүү видеог Уур амьсгалын Ногоон сангийн санхүүжилтээр БОАЖЯ, ХХААХҮЯ-тай хамтран НҮБХХ-ийн дэмжлэгтэйгээр хэрэгжүүлж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадамж болон эрсдэлийн менежментийг боловсронгуй болгох нь” (АДАПТ) төслийн хүрээнд бэлтгэлээ.