Алдағы күзден бастап әскерде борышын өтеген кез келген азамат Ұлттық бірыңғай тестілеуді тапсырмай-ақ жоғары оқу орнына түсе алады. Қазір әртүрлі университеттерден бөлінген 3000 тегін орынды оқу ұтып алу үшін 15 мың сарбаз арнайы іріктеуден өтіп жатыр. Ал жобаны бастаған Қорғаныс министрлігінің өкілдері еліміздегі жоғары оқу орындары жыл сайын Отан алдындағы борышын өтеп келген сарбаздарға тегін оқуға мүмкіндік береді деп үміттеніп отыр. Егер үміттері ақталса әскерден қайтқан әрбір оныншы сарбаздың тегін оқуға түсуге мүмкіндігі болады. Сонымен, мұндай жеңілдікті кімдер ала алады және университеттерге түсу үшін не істеу керек? Әріптесім Жанар Қожанова тарқатып берсін.
Қорғаныс министрлігі ел жастарын әскерден қашпай, Отан алдындағы борышын абыроймен өтеу үшін ынталандыру жұмыстарына кірісті. Идея қарапайым. Бір жыл мерзімді әскери қызметін ойдағыдай өтеп келгендер енді Жоғары оқу орны мен әскери оқу орындарына ешқандай тест тапсырмай-ақ түсе алады. Қазір 70-тен астам жоғарғы оқу орны бөлген 3000 тегін орынға 15 000 сарбаз арнайы іріктеуден өтіп жатыр.
БЕГІМ НҰРМАХАНОВ, ҚР Қорғаныс министрлігі білім және ғылым департаменті басшысының орынбасары:
- Бұл іріктеудің ішінде қазір компьютерлік бағдарламамен іріктеу өтіп жатыр. Қорытындысын сол береді. Оның үстіне тағы да Қорғаныс министрінің бұйрығымен жеке арнайы комиссия құрылады. Сол комиссия ең үзіктеріне ұсыным деген болады соны береді.
Сонымен, әскерде жүріп өзін ең үздік жауынгер ретінде көрсете алғандар университет есебінен тегін оқиды. Ал қалғандарына Ұлттық Бірыңғай тестілеуді тапсырмастан, бірақ ақылы бөлімге түсуге мүмкіндік беріледі. Ол үшін басты міндет - Отан алдындағы борышыңызды өтеу кезінде жауынгерлік және әскери кәсіби дайындықта, әскери тәртіпте жақсы нәтиже көрсету маңызды. Әскери қызметтің нәтижесі бойынша тегін жоғары білім беру мәселесін қорғаныс министрлігі комиссиясының өкілдері шешеді.
Ал іріктеуден өткен сарбаз университет пен білім беру бағдарламасын өзі таңдайды. Және әскерден кейін екі жыл ішінде Ұлттық бірыңғай тестілеусіз оқуға түсуге мүміндік алады.
Ал үміткерлерді анықтау тетігі әскери қызметті өткеру барысын бағалау көрсеткіштеріне негізделеді. Яғни оқуға іріктеу 4 түрлі әдіспен жүзеге асырылады. Ол сарбаздың жауынгерлік даярлық бағдарламасын меңгеру деңгейі, жеке тәртібі, жауынгерлік кезекшілігін атқару кезінде міндеттерді толық орындауы және психологиялық жай-күйі бағаланады. Содан кейін әрбір сарбаздың рейтингі жасалады, оны Солдат аналары комитетінің, басқа қоғамдық және үкіметтік емес ұйымдардың өкілдері кіретін арнайы комиссия қарайды.
Қорғаныс министрлігіндегілер бұл жобаға мемлекеттің қаржысы кетпейді деп отыр. Шығынды университеттердің өздері көтереді екен. Алайда бұл мемлекеттік грант емес, сондықтан шәкіртақы берілмейді.
Бізді әлеуметтік желіде оқыңыздар:
Информбюро 31 www.youtube.com/@informburo31kanal
Informburo kz www.youtube.com/@informburokz2022
Facebook - informburo31/
Instagram - informburo31
Vkontakte - informburo31
TikTok - www.tiktok.com/@informburo31
Наши сайты: www.31.kz и www.informburo.kz
Наш WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал