Оралда аутизмге шалдыққан балаларды оңалту орталығы ашылды. Осындай диагнозбен 253 бала арнайы есепке алынған. Енді ата-аналар көрші облыстарға сабылмай, балаларын осы орталыққа әкеледі. Мекеме мамандары жылына 600 баланы тегін емдейді. Арнайы оқытылған 20 маман жұмыс істейді.
Болат Өтемұратов Қорының «Аутизм. Баршамызға бір әлем» бірегей бағдарламасының арқасында АСБ бар 11 мыңнан астам балаға және олардың отбасыларына жоғары білікті көмек көрсетілді. Орталықтардың мамандары аутизммі бар балаларға көмек көрсетудің ең тиімді әлемдік тәжірибесін Қазақстанда үздіксіз зерттеп, енгізумен айналысады.