بێژەن، هونەری کەم ووتن و جوان ووتنی هەڵبژاردوە، دەنگی ئەو هەمیشە میوانی دڵە، یەکجار بەسە کە بە دەنگی سڵاو بۆ ڕۆحت بنێرێت ئیتر هەرگیز ماڵئاوایی ناکات! گەرچی توانای دەنگی بەسەر زۆرینەی ژانرەکانی گۆرانیدا زاڵە، بەڵام هەمیشە بە وریاییەوە دەست دەبات بۆ بەرهەمەکان، باشووری نیشتیمانمان هێندە دەنگی ناسازی تێیدایە کە ڕەنگە حەوسەڵەی ئەوەمان نەبێت گوێ ڕابخەین بۆ دەنگی نوێ! بەڵام هەندێکجاریش هیوایەکی جوان ناخت سەوز دەکاتەوە بێگوومان ئەو سەوزییەی دەروونی منیش بێژەن جەزایە، کاتێک زۆر بە وردی دەچیتە نێو کەسایەتی ئەم دەنگەوە دەبینیت خۆی خەریکە ئاواز دادەنێت و خۆی تێکست دەهۆنێتەوە دواتریش هەر بەو دەنگە غەمگینەی خۆیەوە دەیدات بە گوێماندا، دەنگی بێژەن وێنای هەموو جوانییەکانی نیشتیمانم بۆ دەکات چوون تەواو خاکییە،
- چەن سەختە بۆ ئەو مرۆڤانەی خەمێکیان
لە کۆڵ ناوەو گوێ بۆ بێژەن ڕا دێرن !