Бәуке қолыңа дерт бермесін! Еңбегіңнің жемісін көр! Қазіргі таңда Бәукең, кешегі Қаршыға Ахмедиаровтың күйшілік үлгісін алған мықты да, дарынды күйші, Жетісу күйшілік мектебінің негізінің қалаушылардың бірі Мергенбай Ерденеұлының тікелей туысы, мектебін жалғастырушы, Мергенбай күйшінің туған ауылы Қожбанбет ауылында (Шалкөде ауылы) дүние есігін ашқан. Бәуке кешегі А.Затаевич, А. Жұбанов, П. Аравин сынды қазақ музыкасын ғылыми тұрғыда зерттеушілердің ізін жалғастырушы. Бәуке Жетісу күйшілік мектебінің зерттеушілері Базарәлі Мүптекеев пен Сағатбек Медеубекұлының ұмытылып бара жатқан, зерттелмеген күйлері мен әндерін халық арасынан аралап, үнтаспаға түсіріп, 1998 жылы баспадан кітап қылып шығарған ағаларының еңбектерін жалғастырып жүрген азамат. Бәукенің репертуарында Жетісу күйшілік мектебінің негізін қалаушылардың бірі Қожекенің, Мерегенбай, Сыбанқұлдың, Бестібайдың, Егінбайдың т.б. халық арысында көп орындала бермейтін күйлер жетерлік. Бәукең өз жанынан да Аллаһ дарыған композиторлық дарыны бар жас композитор. Өзі шығарған 25-ке жуық күйі бар. Бәуке Жетісудың ғана емес, тұтас Қазақтың маңдайына біткен композиторы болары анық! Бәукеңді айта берсең ол жайында ел біле бермейтін еңбегі көп, соның бірі халқымызға танымал, тіптен әлемге танымал "Тұран" этно-фольклорлық ансамбілінің жетекші домбырашысы. "Тұран" тобының музыканттары шетінен талантты бәрі. Олар жайлы тіптен менен артық біледі халқымыз. Бәукең Құрманғазы атындағы Қазақ Ұлттық Консерваториясының фольклорлық ғылыми-зерттеу зертханасының меңгерушісі, Бәукең бірнеше кітаптың авторы. Мысалға, Құрманғазы атын. Қазақ ұлттық консерваториясы Халық музыкасы факультетінің деканы, PhD Жәменкеев Ержан және Ш. Ш. Уәлиханов атын. тарих және этнология институтының ғылыми қызметкері Аман Дәулетұлымен бірлесіп шығарған кітабы "Көркем мекен" Сазгер Бақытхан Жұмақадірұлының күйлері мен әндері атты 2020 жылы шыққан кітабы, Өзінің төл туындыларының қысқаша тарихы мен нотасы берілген "Мәңгілік жастық" атты 2019 жылы шыққан кітабы, 2022 жылы "Күй шақыртқы" кітабын философия докторы (PhD) Медеубек Мақсат Сағатбекұлымен бірлесіп шығарды. Бәукеңдей асыл азаматтарға Алланың нұры жаусын! Қазаққа сыйлар еңбектері әлі көп!