ФУТБИГ арнасына тіркеліңіздер!
Промокод: FUTBIG
Барселона Негрейра ісі бойынша айыпталып, басы бәлеге қалды. Біріншіден, Энрикес Негрейра деген кім және оның Барселонамен қандай қатынасы болған. Соны айтып бастайық.
Негрейра 1994 жылдан 2018 жылға дейін төрешілер комитетінің вице-президенті қызметін атқарды. Оған дейін 1975-1992 жылдар арасында өзі төреші болып жұмыс істеген.
Ел Мундо порталының ақпараты бойырша Хосе Мария Энрикес Негрейра Барселонадан қандай бір көмегі үшін қаржылай ақы алып отырған. 2019 жылы Барса Негрейраға ақша төлеуді тоқтатқан. Клуб төлемдерді тоқтатқаннан кейін Негрейра каталония басшыларына хат жолдаған екен.
Ол хатта:
“Менің сотқа шағым түсіруге ниетім бар және бұл клубқа кері әсерін тигізетіні сөзсіз.Жаңа жанжал клубқа пайда әкелмейді. Егер біз келіспесек, онда клубтың барлық бұзушылықтары шығады", - делінген.
Егер испандық клуб пен Негрейра арасындағы алаяқтық ынтымақтастық дәлелденсе, онда ФИФА мен УЕФА «Барселонаны» Лигада төмендетіп, титулдарынан айырады. Сондай-ақ клубты бір маусымға еурокубоктарға қатысу құқығынан айыруы мүмкін. Бұған дейін Испания футбол федерациясы Негрейра ісін тергеуде УЕФА-мен бірлесіп жұмыс істеп жатқаны хабарланған болатын.
Бұл жайт туралы Барсаның қазіргі президенті Жоан Лапорта:
Барлығына түсінікті болсын «Барса ешқашан төрешілерге пара бермеген және ешқашан пара бермейді. Тарихты өзгертуге тырысатындарға фактілер қайшы келеді.Барселона «Негрейра ісі» бойынша прокурорлардың айыптауынан кейін мәлімдеме жариялады. Хабарлаамада: «Барселона» тергеуге қатысудан қашпайды. Шағымды қамтитын прокурордың қорытындысы тергеу болжамы ғана. Жақын арада басталатын сот тергеуінде айыптауларды растау немесе жоққа шығару қажет болады» - , дейді.
“Барса" Негрейраның төлемдері клубқа дұрыс төрелік ету үшін жасалғаны дәлелденген жағдайда ғана кінәлі деп танылады.
Ел Мундо мәліметінде тергеушілердің 2001 және 2018 жылдар арасында ”Барселона” төрешілер комитетіне 7 млн еуро бергенін зерттегені жайлы айтылады.
Ел Пайстің айтуы бойынша Испанияның төрешілер комитеті әр матч басында Барселонаға хат жіберетін. Ойын алды келетін хаттарда төреші жайлы барлық ақпарат болатын. Барселона сияқты топ команданың осындай дауға қалғаны тарих қалыптастырған беделіне нұқсан келтіре қоймас деп үміттенеміз. Асығыс шешім қабылдамай, әліптің артын бағайық. Барселона жанкүйерлеріне тек сабыр тілейміз. Тіпті Барсаның басты қарсыласы Реал Мадрид те асығыс айыптаудан аулақ болды.
Флорентино Перес “Барсаның” сыбайлас жемқорлыққа қатысты айыптауларына байланысты “Реал Мадрид” Директорлар кеңесінің отырысын ұйымдастырды.
"Прокуратураның Барселонаға және оның екі Президентіне сыбайлас жемқорлыққа негізделген күдіктер мен төрешілердің техникалық комитетінің бұрынғы вице-президенті Хосе Мария Энрикес Негрейрамен байланысы туралы айыптауларының ауырлығын ескере отырып, президент Реал Мадридтің іс-әрекеттері туралы шешім қабылдау үшін Директорлар кеңесінің шұғыл отырысын шақырды.", делінген мадридтіктердің мәлімдемесінде.
Ендеше, күтеміз. Тіпті Барсаның кінәсі дәлелденіп жатса да, жаза айтарлықтай ауыр болмас. Айыппұл төлеп құтылып кетуіне тілектеспіх.
Ал сіздер қалай ойлайсыздар? Мән-жайды ашып беруге тырыстық. Енді ойларыңызды комментарийде жазыңыздар. Арнаға тіркелуді ұмытпаңыздар.