Short Sufi Spells (Chapter 1) | The Fourth Spell
======================================
Singer: Muhammad Samie
Composer: Muhammad Samie
Lyrics Selection & Arrangement: Muhammad Samie
Poets: Sibt-e-Jaafar Zaidi & Anwar Farrukhabadi
Flute & Duduk: Baqir Abbas
Recording, Mixing & Mastering: Jay Ali
Video Director: Muhammad Samie
Post-Production: Muhammad Samie
Artwork & Wardrobe: Muhammad Samie
Calligraphy: Atta-ur-Rehman
Video Production House: Short Sufi Films
======================================
© 2018 - Short Sufi Spells
======================================
“Banaam-e-Hussain (A.S.) is an extract from multiple poetic writings constituting metaphorical dialogues that provide poetic connotations to the events at Karbala-e-Mualla” - Samie
======================================
Follow Samie at
KZread: / muhammadsamie
Facebook: / msamieofficial
Instagram: / samie_muhammad
Twitter: / muhammadsamie
Official Website: www.muhammadsamie.com
======================================
LYRICS:
Yun raqam karta hai ik raavi-e-maghmoom-o-hazeen
Aik dulha liye jata tha baraat apni kaheen
Wahab-e-Kalbi tha laqab tha wo ghulam-e-Shah-e-Deen (S.A.W.W.)
Door se aayi nazar us ko jo maqtal ki zameen
Dil pe Shabbir ke giriya ka asar hone laga
Dekh kar ganj-e-shaheedan ki taraf ronay laga
Aik zameendar khara tha ye kiya us se kalam
Kis ki ye faoj hai aur kis ke ye laashay hain tamaam
Ye jo zakhmi hai khara laakhon mein kya is ka hai naam?
Ro ke woh shakhs pukara keh hai ronay ka maqaam
Hain ye jallad jo khainchay huay shamsheerain hain
Aur Zehra (S.A.) ke muraqqay ki yeh tasveerain hain
Yeh jo zakhmi hai khara khata hua naiza-o-teer
Hai Sakhi Ibn-e-Sakhi (A.S.) aur Ameer Ibn-e-Ameer (A.S.)
Hai yahi teen shab-o-roz ka pyasa Shabbir (A.S.)
Ab talak subah se loota gaya baagh-e-Zehra (S.A.)
Ab ye be-rehm bujhatay hain charaagh-e-Zehra (S.A.)
Yun to aik zulm se aik zulm hua Sha’h pe siwa
Teen sadmon mein magar sabr ka yara na raha
Ik jawaan is ka bhatija tha Hassan (A.S.) ka beta
Shab ko woh dulha bana subah shaheedon mein mila
Us k marne ki khabar Sha’h ne jo pohnchai thi
Maa dulhan ko liye sar nangay nikal aayi thi
Dusra hadsa aik bhai bashakl-e-Safdar
Jab se woh mar gaya seedhi nahin hoti hai qamar
Ab bhi rota hai usay haaye baraadar keh kar
Be-kafan laash wo us ki hai parhi darya par
Abhi wo laash ajab dard se tharraai thi
Bachi ik haaye chacha keh ke jo chillayi thi
Teesra haadsa mein kya kahoon phatt’ta hai jigar
Ik jawaan beta tha atthara baras ka Akbar
Barchiyon se abhi mara gaya wo haaye pisar
Haif hai dafan hui raat ko jis ki maadar
Gham-e-Akbar mein usay kya kahoon kyun kar dekha
Sab ne maidan mein Zainab ko khulay sar dekha
Udhar to shimr ke dil mein ghubaar ki hadd thi
Idhar Hussain (A.S.) ke sabr-o-qaraar ki hadd thi
Ye shimr bola mere hath mein hukumat hai
Hussain (A.S.) bole keh mujh par Khuda ki rehmat hai
Ye shimr bola keh taqat ka mein samandar hun
Hussain (A.S.) bole muqaddar ka mein sikandar hun
Ye shimr bola ubharta hua jalal hun mein
Hussain (A.S.) bole keh Sher-e-Khuda ka Lal hun mein
Ye shimr bola mein apni jafa na choroon ga
Hussain (A.S.) bole mein raah-e-wafa na choroon ga
Ye shimr bola keh mein paani band kar doon ga
Hussain (A.S.) bole mein is par bhi sabr kar loon ga
Ye shimr bola mein haakim hun jabr karta hun
Hussain (A.S.) bole mein Syed hun sabr karta hun
Ye shimr bola keh tum par barha sitam hoga
Hussain (A.S.) bole keh ALLAH ka karam hoga
Ye shimr bola idhar barchiyaan hain bhaalay hain
Hussain (A.S.) bole idhar sar kataanay wale hain
Ye shimr bola kafan tak na dala jae ga
Hussain (A.S.) bole keh jannat se jora aaye ga
#MuhammadSamie #BanaameHussain #ShortSufiSpells