Qaraqalpaqstan Respublikası Málimleme-kitapxana orayında “Kitap súyer millet” uranı astında IV Respublikalıq “Kitapqumarlıq hápteligi” sheńberinde 2024-jıl 22 aprel kúni Ózbekstan hám Qaraqalpaqstan Jazıwshılar Awqamınıń aǵzası, shayır Kóbeysin Ernazarov tuwılǵanına 80 jıl tolıw múnásibeti menen “Balalıqtıń pák shayırı” atamasında ushırasıw keshesi bolıp ótti.
Ilajda Ózbekstan hám Qaraqalpaqstan Jazıwshılar Awqamınıń aǵzası, shayır Kóbeysin Ernazarov, Nókis innovaciya institutı Innovacion texnologiyalar hám biznes fakultetiniń aǵa oqıtıwshısı Aybek Urazımbetov, Qaraqalpaqıstan Respublikası Málimleme kitapxana orayı qániygesi Jibek Tleubaeva hám Ózbekstan Respublikası Ishki isler Ministirligi Qaraqalpaqstan akademiyalıq licey oqıwshıları hám student jaslar qatnastı.
Kesheni Úlketanıw maǵlıwmatlar sektorı baslıǵı G. Ablakimova ashtı hám alıp barıp, K. Ernazarovtıń ómiri hám dóretiwshiligi haqqında keń tárizde aytıp ótti.
K. Ernazarov jaslardı Watanǵa hám tábiyatqa, haqıyqatlıqqa, doslıqqa, jaqsılıqqa, miynetkesh bolıwǵa tárbiyalaytuǵın óz shıǵarmaları haqqında keń tárizde aytıp ótti.
Óz gezeginde oqıwshıları ózlerin qızıqtırǵan sorawların berip, juwaplar aldı. Ushırasıw keshesi mazmunlı bolıp ótti.