«Бабалар ізімен» рухани-танымдық экспедициясы аясында Шайыр бағытындағы сапарымызда Сырлытам, Қырықкез, Қәды, Шенгел қауымдарына, Көкала шатқалына, Қаратаудың бұлақты сайына және Отпан мәдени комплексіне барып, Адайдың бес жүйрігінің бірі Алашқа даңқы жайылған суырыпсалма ақын жырау Қашаған Күржіманұылының басына барып Құран бағыштау, біздің заманымызға дейінгі 1 ғасырға тән «Адай амазонкасы» табылған катакомбалық жерасты зиратының орнын көру, Көкала шатқыландағы табиғаттың жасаған сұлулығын көру, Отпандағы мұражайдағы жәдігерлермен танысып, туған өлкеміздің тарихын тереңірек түсініп білу бұйырды.