Möhtəşəm

Söz: Rəfiq Zəka Müzik: Ramiz Mirişli Hər gecə, hər sabah gözlərəm səni Mavi üfüq kimi önündəyəm mən. İzlər günəş dolu gözlərim səni Hər zaman, hər yerdə səninləyəm mən. Səadət, Səadət, gözlərəm səni. Səadət, Səadət, səslərəm səni. Könüllər vəslini arzular, Adıma nəğmələr yazırlar. Mənimdir gözəllik, məhəbbət Səadət, Səadət, Səadət. Ulduzların sözü, söhbəti sənsən, Göylərə nur çilər ayla Səadət. Qönçələrin eşqi, ülfəti sənsən, Körpələrə çalır layla Səadət. Səadət, Səadət, səslərəm səni. Səadət, Səadət, gözlərəm səni. Könüllər vəslini arzular, Adıma nəğmələr yazırlar. Mənimdir gözəllik, məhəbbət Səadət, Səadət, Səadət. Axtarıram səni mən bu dünyada, Min dəfə keçmişəm sənin yanından. Sən atlı olmusan, mənsə piyada Görməmisən məni həyəcanından. Səadət, Səadət, gözlərəm səni. Səadət, Səadət, səslərəm səni. Könüllər vəslini arzular, Adıma nəğmələr yazırlar. Mənimdir gözəllik, məhəbbət Səadət, Səadət, Səadət.