Бәрі де Ана, бір өзіңнен басталды...
Ия, анашым, "Нұржан" деп аталатын өмір өзіңнен басталды. Менің Отаным - сенің құрсағың. Ғұмырлық әнімнің алғашқы шумағы - сенің әлдиің. Бұл дүниенің бар махаббатын бесікте жатқанымда-ақ жанарыңнан көргем. Бар жұпарын құшағыңда-ақ иіскегем. Бар тәттісін ақ сүтіңнен алғанмын.
Өзім қазір әке атансам да, маған деген көзқарасыңның өзгермегені, мейірім-махаббатыңның азаймағандығы таң қалдырады... Әлі де сол баяғыдай. Жаралансам деміңмен үрлеп, басқың келеді. Мұңайсам маңдайымнан сүйіп, басымнан сипағың келеді. Кішкентай іс жасасам, үлкен жетістік санап, күн шуағын жанарыңа сыйдырып жадырай қаласың.
Менің перзенттеріме төккен шапағатыңның маған деген махаббатыңнан асып түсетін ұлылығына қарап, ана деген ақ жүрегіңнің кеңдігіне бас иемін. Жиі-жиі жаныңда болғым келеді. Баяғыша еркелегім келеді. Ыссы бауырсақтарыңды шиге қадап алып, томпаң-томпаң қағып ойнап, кешке сенің алдыңда әлдиіңді тыңдап ұйықтағым келеді. Отыздан асқан жігіт ағасы болсам да...Мен өзің барда бала болып қала беретін тәріздімін, мама. Балалық шақ сенің жанарыңда өмір сүре беретінін, сен барда қартаймайтынымды түсінем.
Мама, мына әлем өзіңмен ғана әдемі. Сен деп соққан сәби жүректер үшін ғұмырың ұзақ болсыншы! Перзенттік қарызымды өтеу мүмкін болмаса да, қолымнан келгенінше бар жақсылықты, бар ғажапты өзіңе ұсынғым келеді.
Мерекеңмен, Ана!
Осы видеоның шығуына септігін тигізген жандарға Алла разы болсын! Алтын уақыттарын бөліп ,менің бір ауыз сөзімді жерге тастамай керемет дүние жасап берген аттасым Нұржан бауырым мен Азамат ініме рақмет. @nurcinema.kz @aza.939393 #бәрідеанабірөзіңненбасталды #ана #8наурыз #8наурыз🌷 #әйелдермерекесіқұттыболсын🌷 #қадырмырзаәлі #поэзия #поэзияменіңжүрегімде #поэзияана #асаба #актау #маңғыстау #нуржанбериш #кожабаев #Кожабаевнуржан #поэзия #поэзия21века #поэзияменіңжүрегімде #поэзиядуши #poezja #poezya #нұржанқожабаев #асабанұржан #Ақтау #Актау #Маңғыстау #Мангистау