No video
Біржан Ахмер "Күліктің көз жасы"
Жас ақын, Шәкәрім атындағы Семей мемлекеттік университетінің студенті, көптеген республикалық жыр-мүшәйраларының жүлдегері Біржан Ахмердің "Күліктің көз жасы" атты өлеңіне бейнесуреттеме.
Жас ақын, Шәкәрім атындағы Семей мемлекеттік университетінің студенті, көптеген республикалық жыр-мүшәйраларының жүлдегері Біржан Ахмердің "Күліктің көз жасы" атты өлеңіне бейнесуреттеме.
Пікірлер: 2
Керемет!
КҮЛІКТІҢ КӨЗ ЖАСЫ «Жүрегім жылқыдай жылайды...» Б.Қарағызұлы Күрең белде кісінесе бір құлын, Беймаза боп өтетіндей бұл түнім. Жас тамғанын көріп пе едің, қалқатай, Жанарынан жылқының? Көрсең етті, көрсең етті мұны да, Жануардың қанық болып мұңына. Мен сияқты балауды да қоюшы ең, Кей адамды ұлыға! Терін алып, сайын дала төсінде, Мен тайыммен шабушы едім көсіле. Солай жортып келе жатқан сәтте бір, Сүрінгені есімде. От тұяғы орға кіріп кеткеннен, Бір аяғы сынғандығын дөп көргем. (Кейде осылай сүрінеді кісі де, Өту үшін өткелден). Күреңіме көрінгендей асқар жат, Жатыр екен көздерінен жас парлап. Болды сонда бар назары аттың тек, Ақ бұлт жүзген аспан жақ. ...Кел, жарқыным, үркиді деп қашпағын, Оның мұңы - сен көргеннен басқа мұң. Күлік сынды жылағанда сезесің, Жүрегіңде тас барын. Әттең, әттең, жоқ болған соң мұңдасы, Жылқы жүрек күрсінеді, тыңдашы. Ғұмыр бойы пенде төккен моншақтар - Сәйгүліктің бір жасы... Біржан Ахмер