Білектей арқасында өрген бұрым
Білектей арқасында өрген бұрым,
Шолпысы сылдыр қағып жүрсе ақырын.
Кәмшат бөрік, ақ тамақ, қара қасты,
Сұлу қыздың көріп пе ең мұндай түрін?
Аласы аз қара көзі айнадайын,
Жүрекке ыстық тиіп салған сайын,
Үлбіреген ақ етті, ашық жүзді,
Тісі әдемі көріп пе ең қыздың жайын?
Бұраң бел, бойы сұлу, кішкене аяқ,
Болады осындай қыз некен-саяқ.
Піскен алма секілді тәтті қызды
Боламын да тұрамын көргендей-ақ.
Егерде қолың тисе білегіне,
Лүпілдеп қан соғады жүрегіңе.
Бетіңді таяп барсаң тамағына,
Шымырлап бу енеді сүйегіңе.
#Білектей арқасында өрген бұрым
#Абай Құнанбайұлы
#абай құнанбаев
#абай құнанбайұлы
#абай кунанбаев олендери
#Білектей арқасында өрген бұрым өлеңі
#Қазақ қызы
#Шолпысы сылдыр қағып жүрсе ақырын
#абай құнанбаев желсіз түнде жарық ай
#Қазақ қыздарына арналған өлеңдер
#поэзия
#поэзия әлемі
#қазақша поэзия
#Абай өлеңдері
#Абай Құнанбайұлы
• "Білектей арқасында өр...
• "Сегіз аяқ"
Абай Құна...
• Өлсе өлер табиғат...Аб...
• "Сенбе жұртқа"Абай Құн...
• "Күз"
Абай Құнанбайұлы