Дүкендегі бейбіт тұрғындарды өлтіріп, артынша әскери бөлімге шабуыл жасап, бүкіл Ақтөбенің күлін көкке ұшырмақшы болған радикалдық топқа бүгін соттың үкімі шықты. Теракт жасауға тікелей қатысы бар деген 9 айыпталушы енді өмірінің соңына дейін түрмеде отырады. Тағы екеуі 20 және 22 жылға сотталды. Ал, содырлардың дайындалып жатқан әрекетін алдын ала білсе де хабарламаған керісінше, жасырып қалғаны үшін айыпталған 20 сотталушы 2 жылдан 5 жылға дейін бас бостандықтарынан айырылды.