مەشخەڵێكم لە دەستە
رووی بەرزی لە ئاسۆیە
ئەوەی بە دوای ناكەوێ
پیشەی شین و رۆ رۆیە
**** **** ****
تیشكی بیر و باوەڕم
دونیای تاریكی دەبڕێ
لە نێو چاوانی مێژوو
تەمی مەینەتی دەسڕێ
**** **** ****
كڵپەی ئیمانی گەرمم
بەرەو گشت دڵێ دەڕوا
دەڕوێنی لە كێڵگەی ژیان
نەمامی بیر و بڕوا
**** **** ****
ئاوازی ئیمانەكەم
بە گوێی ژیان دەچرێنم
رەش و روتی گشت جیهان
لە ژێر دەستی دەردێنم
مەشخەڵ
هۆنراوە: ئوسامە جەمیل
ئاواز و گوتنی : ئەیاد محمحد