Pinipintakasi tuwing ikalawang Linggo ng Mayo. Ang marikit na Nuestra Señora de los Desamparados de Marikina ay unang nakilala bilang "Pinatakasi ng Mariquina" ngunit nasira ang unang Imahen sa panahon ng Digmaang Pilipino-Amerikano noong 1898. Ang kasalukuyang naka-dambana sa parokya ay inukit noong 1902 bilang kapalit ng nasirang Imahen. Ayon sa souvenir program na pinamagatang Marikina Town Fiesta 1978, ang mapaghimalang Imahen ay inukit ng iskultor na si Ginoong Flores at ito na marahil ang isa mga unang larawan ng Virgen Desamparados na inukit ng isang Pilipino. Bilang pagkilala sa natatanging yaman ng Simbahan ay inakda ng pamahalaang lungsod ang "Resolution No. 192, Series of 2003" na nagsasabing ang Imahen ay isang "celebrated and protected treasure." Kaugnay nito, ang debosyon ng mga taga-Marikina ay kinilala ng Vatican sa pamamagitan ng Canonical Coronation na iginiwad ni Pope Benedict XVI. Ang natatanging pagkilala ay nilagdaan ng Santo Papa noong Abril 22, 2005 at isinagawa ang koronasyon noong Oktubre 23, 2005.