25 қазан - Қазақстан Республикасы күніне орай Батыс Қазақстан облысының қоғамдық даму басқармасының қолдауымен «Орал студенттер альянсы» корпоративтік қорының ұйымдастыруымен «ЖАСТАР ЖАЛЫНЫ» студенттер спартакиадасы бастау алды. Аталмыш спартакиада: Волейбол, Баскетбол, Футзал, Үстел теннисі, Шахмат, Тоғызқұмалақ, Арқан тартыс, Қол күресі, Асық ату және Дәстүрлі садақ ату сынды спорттың 10 түрінен өткізіледі. Ашылу салтанатында сөз алған Батыс Қазақстан облысының қоғамдық даму басқармасының басшысы Шөкеева Гүлжанар Болатқызы спартакиадаға қатысып отырған техникалық және кәсіптік білім беру ұйымдарынан құрылған 16 командағаа сәттілік тілеп, Қазақстан Республикасы күні қарсаңында өткізіліп жатырған жобаларға қолдау көрсеткендері үшін оқу орындарының басшыларына алғыс білдірді. Сонымен қатар ашылу салтанатына Батыс Қазақстан облысың дене шынықтыру және спорт басқармасының басшысы міндетін атқарушы Нығметуллин Жеңіс Махамбетұлы қатысып мереке қарсаңында бұқаралық-көпшілік спортты дамыту мақсатында жасалып жатырған жұмыстарды атап өтті.