Қылмыс әлемінде «Дикий Арман» лақап атымен танылған Арман Жұмагелдиев пен экс-депутат Қайрат Құдайберген ісіне қатысты сот жабық режимде өтеді. Бұл шешім сот қатысушыларының өтініші негізінде қабылданып отыр. Өйткені, 10 жәбірленуші, бір куә және бір сотталушы өз өмірлері мен жақындарына қатер төне ме деп қауіптенген. Ал басты сот талқылауы 6 қазанға белгіленіп отыр. Бүгін қаңтар оқиғасынан кейін қамауға алынған 45 күдіктінің ісі бойынша алдын ала тыңдау аяқталды. Сезіктілерге билікті немесе лауазымдық өкілеттіктерді асыра пайдалану, ұйымдасқан қылмыстық топ құрып, оған басшылық ету, қатысу, қарақшылық шабуыл, заңсыз бас бостандығынан айыру, жаппай тәртіпсіздіктерді ұйымдастыру, бандитизм секілді баптар бойынша айып тағылып отыр. Бұған дейін қорғаушылар сотталушыларға қатысты бұлтартпау шарасын өзгерту және жою, қылмыстық істі қайтару және тоқтату, жақын туыстарын қорғаушы ретінде тану туралы жүзден астам өтінішхат түсірген. Бірақ, судья қанағаттандырмады. Айта кетейік, Арман Жұмагелдиев қылмыстық кодекстің он бір бабы, Қайрат Құдайберген 3 бабы бойынша сезікке ілініп отыр. Оның ішінде, ұйымдасқан қылмыстық ұйымды құрудан бастап, шетел қаражатын пайдалана отырып жасалған жаппай тәртіпсіздікті ұйымдастыру, қатысу, адамды бас бостандығынан заңсыз айыру секілді айыптар бар.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал