Жарапазан - қазақ даласында ислам діні берік орын тепкеннен кейін пайда болған тұрмыс-салт жырларының бір түрі. Ол ел арасында ораза ұсталатын рамазан айында айтылады.
Бүгін Шығыс Қазақстан өнер музейіне қазақ этнографиясы бөлімінің қызметкерлері мен №13 мектеп оқушылары, «Ақниет» әжелер тобынан құралған жарапазаншылар келді. Музейге келген жарапазаншыларға дәстүр бойынша құр қол қайырмай кәдесыйлар мен сыбаға ұсынылды. Директор орынбасары Е.Нахдубай домбырамен ән арнап, әзілмен жауап қайырды.