Бүгінде Арал теңізі суының тұздылық көрсеткіші артып, балықтарға үлкен қауіп тудыруда. Осыған байланысты аудан әкімдігі ғылыми орталықтармен бірлесіп, су маржанын сақтап қалу бағытында жұмыстарды қолға алмақ. Бұдан бөлек, өңірде балық қорын көбейтіп, өзге түрлерін жерсіндіру секілді бастамалар бар. Тақырыпты тілшіміз Елдос Асан тарқатады.
Арал теңізінде балықтың жаппай қырылу қаупі бар. Себебі, жыл өткен сайын теңіз суының тұздылық көрсеткіші артып барады. Яғни, тіршілік нәрінің тұздылығы белгілі бір мөлшерге жеткенде, балық жаппай жойылады. Мамандар мұның басты себебі, теңізде су деңгейінің азаюынан, дейді. Десе де, аудан әкімдігі күрмеулі мәселеге қол қусырып қарап отырған жоқ. Теңіз суының тұздылығына балықтарды бейімдеу мақсатында нақты шараларды жүзеге асыруға кіріскен.
АМАНЖОЛ ОҢҒАРБАЕВ - АУДАН ӘКІМІ // Судың аз кезеңі, көп кезеңі болып әр 30 жыл сайын қайталанып тұратын табиғи жағдай ғой. Осы үрдісте біз енді, уақытымызды босқа өткізбей. Сол мақсатта ащы суға өмір сүретін балық қорын молайту жөнінде жұмыстар жүргізгіміз келіп жатыр. Бірнеше ғылыми орталықтарға, балық өсіру жұмысымен айналысатын азаматтарға ұсыныс берілді. Бұл мақсат түбегейлі шешімін табуға жұмыс жасалады.
Иә, Арал тұрғындарының тіршілігі балық шаруашылығымен тығыз байланысты. Алайда, теңіздің қазіргі ахуалы алаңдатып отыр. Сондықтан, судан несібесін терген жұртшылық тоған шаруашылығына бет бұрып, су маржанын молайтуға басымдық беруде.
АМАНЖОЛ ОҢҒАРБАЕВ - АУДАН ӘКІМІ //Бізде қазір 8 бірдей тоған шаруашылығын ұйымдастыру қолға алынды. Әртүрлі елді мекендерде. Біз Ресейде жұмыс істеген мамандарды шақырдық. Олар қазір Аманөткелде бұрынғы кеңес одағы кезіндегі тоған шаруашылғын қайта қалпына келтіру жұмыстарын жүргізіп жатыр. Одан бөлек көктем айларында Түркістан облысындағы тоған шаруашылығын ұйымдастырған бірнеше шаруашылықтарда болды менің орынбасарларым, ауыл шарушалығы бөлімінің басшылары, кәсіпкерлер барды. Сол кәсіпкерлер осы жұмысты қолға ала бастады. Қазіргі таңда 8 тоған шаруашылығын ұйымдастыру, жоспарланып, жүзеге асырылып жатса, біз алдағы жылдары бұның санын 40-50-ге дейін жеткізсек деген ойымызда бар.
Жалпы, жыл басынан бері 1494 тонна балық және балық өнімдері өндіріліп, экспортталған. Мұнан бөлек 148,1 мың тонна тұз, 49,9 мың текше метр табиғи құм қазылып, 84,8 мың тонна йодталған тұз өндірілген. Баспасөз брифингінде тұрғындарды алаңдатқан өзекті мәселелер де сөз болды. Айталық, Арал қаласындағы темір жолдың үстінен өтетін көпір
тұрғындарды алаңдатып отырғаны белгілі. Бір қуантарлығы, көпір құрылысы жыл аяғына дейін аяқталып, ел игілігіне пайдалануға берілмек. Сондай ақ, ауданда газдандыру, жарықтандыру, көшені асфальттау сынды жұмыстар жоспар бойынша кезең-кезеңімен жүзеге аспақ.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv