Қарсыласының турнирге қатысудан бас тартқаны шамына тиіпті. Бибісара Асаубаеваның анасы қызының қатқыл мәлімдемесін осылай түсіндіруге тырысты. Қазақтың шахматшы қыздары Бибісара Асаубаева мен Жансая Әбдімәлік арасындағы кикілжің Үндістанда өтіп жатқан халықаралық шахмат федерацияның гран-приінде басталған болатын. Жансая Әбдімәлік доданың дұрыс ұйымдастырылмағанын алға тартып, жарысқа қатыспай кетіп қалған. Іле-шала бұған қатысты Бибісара Асаубаева мәлімдеме жасады.