Şeir: Salman Namazlı
Səs: Anar Atakişi
Mus: Piano by VN
Studio: STT
Deyir o dünyada gözəl cənnət var.
Deyir o dünyada xoş məhəbbət var.
Deyir o dünyada saf sədaqət var.
Görən o dünyada, həsrət də varmı?
Heçnə yaşamadım sevməkdən başqa.
Ayrılıq acısı çəkməkdən başqa.
Başqa bir yüküm yox, həsrətdən başqa,
Görən o dünyada, həsrət də varmı?
Bu dünya sevgisiz acı zülmətdir.
Sevilmək bahadır,sevmək zillətdir.
Təkcə bir mülkum var adı həsrətdir,
Görən o dünyada, həsrət də varmı?
Günahsız günahkar,olmaq başqadır.
Allahın sevgisi tamam başqadır.
Burdakı həsrətin yükü başqadır,
Görən o dünyada, həsrətdə varmı?