Амон аз ману ту - Лоик Шерали | Лоиқ Шералӣ |استاد لایق شیرعلی | Laiq Sherali
Лоиқ Шералӣ - 25.01.1997
____________________________________________
Ҳеҷ донӣ, ки чӣ кардем ба модар ману ту?
Ё чӣ кардем ба ҳам, ҷони бародар, ману ту?
Саъй кардем ба вайронии кишвар ману ту,
Рав, ки уф бар туву ман бошаду туф бар ману ту.
Ҳардумон мояи нангем, амон аз ману ту!
Ману ту ҳар ду ҷафангем, амон аз ману ту!
Маликушшуаро Баҳор
Ману ту ё туву ман? Хуб, чӣ коре кардем?
Бо дили халқ чӣ сон гуфтугузоре кардем?
Чӣ навӣ дар бари ин кӯҳнадиёре кардем?
Ҳеҷ! Гулзори Ватанро чу мазоре кардем.
Баски фарҳанг надорем, амон аз ману ту!
Номусу нанг надорем, амон аз ману ту!
Ману ту ҳавсалатангем, амон аз ману ту!
Ману ту даббаву дангем, амон аз ману ту!
Ману ту гиҷу гарангем, амон аз ману ту!
Пур дурӯему дурангем, амон аз ману ту!
Ману ту масту малангем, амон аз ману ту!
Бандаи нашъаву бангем, амон аз ману ту!
Ту аз ин сӯ, ман аз он сӯй туфанг овардем,
Баҳри саркӯбии ҳам оҳану санг овардем,
Халқи ғафлатзадаро сахт ба танг овардем,
Аз сари роҳ варо бар сари ҷанг овардем.
Чун ба ҳукми дигаронем, амон аз ману ту!
Душману дӯст надонем, амон аз ману ту!
Аввал аз баҳри димукросӣ талоше кардем,
Баҳри фардои Ватан ҷодатарошӣ кардем,
Мӯканӣ, рӯйканӣ, синахарошӣ кардем,
Оқибат мардуми худро муталошӣ кардем.
Баски якпора набудем, амон аз ману ту,
Ба як ангора набудем, амон аз ману ту!
Our Social Media
_______________________________________________________
KZread : / mustaqiltj
Facebook : / mustaqiltj
Instagram : / mustaqiltj
Telegram : t.me/mustaqiltj
VK.com : mustaqiltj
Odnoklassniki :ok.ru/group/58227006374007
Lyric: Лоик Шерали
#poetry #loiqsherali #шеър #адабиёт #таърих
Пікірлер: 6
Едат ба хайр шоири ширинбаен 😢
Ҳамин овози ягон ҳофиза ё ягон духтари бемаъни мебуд 1000 лайку комментария мешуд.ҳайфи Устод Лоиқ бисёриҳо ба қадраш намерасанд
Дар диёри заминӣ аҷдодам. Дарди ман беканора хоҳад монд. Пеши чашмаи замона неку бадам. Дар сухан ошкора хоҳад монд. Устод Лоиқ кайҳо халқро ба бедорӣ даъват карда буд Афсус ки касе ба қадраш нарасиданд. ... Хоинон Лоиқро куштанд. Амон аз ин Заҳҳокҳо.
Чун ба ҳукми дигаронем амон аз ману ту, Душману дуст надонем амон аз ману ту,
Лоиқ- шоири маҳбуб ва нотакрори миллат
😊