АМАЛ ІСТЕЙМІН ДЕСЕҢ ТЫҢДА. ұстаз Ризабек Батталұлы

ұстаз Ризабек Батталұлы
амал істеймін десең тыңда
Әрбір мұсылман үшін Аллаға деген иман және оның шынайы болуы ең басты мәселе. Өйткені осы иманымыз арқылы біз екі дүние бақытына қол жеткіземіз. Сондықтан ең әуелі «иман» сөзінің мағынасын талдап алсақ. Иман - «сену, растау» деген ұғымды білдіреді. Ал шариғаттағы терминдік мағынасы - Ардақты пайғамбарымыз Мұхаммедтің (оған Алланың салауаты мен сәлемі болсын) Алла Тағала тарапынан жеткізген үкімдер мен тыйымдарды жүрекпен растап, қабыл ету деген сөз. Құранда Алла Тағала былай дейді:
امَنَ الرَّسُولُ بِمَا اُنْزِلَ اِلَيْهِ مِنْ رَبِّه وَالْمُؤْمِنُونَ
«Пайғамбар өзіне Раббы тарапынан түсірілгенге иман келтірді. Мүміндер де оған иман келтірді» («Бақара» сүресі, 285-аят).
Иманның негізгі орны - жүрек. Қандай адам болмасын Алла Елшісінің (оған Алланың салауаты мен сәлемі болсын) әкелген нәрселеріне жүрекпен сенсе, оның дұрыстығына иланса, онысын бір себептерге орай тілімен айта алмаса да Алла құзырында мүмін болып саналады. Ал, тілімен ғана иман келтіргендігін айтып, жүрегімен растамаса, Алла құзырында шынайы иман келтірген болып табылмайды. Бұл жайында Құран былай дейді:
وَمِنَ النَّاسِ مَنْ يَقُولُ امَنَّا بِاللّهِ وَبِالْيَوْمِ الْاخِرِ وَمَاهُمْ بِمُؤْمِنينَ
«Адамдардың кейбіреулері (екі жүзді мұнафықтар): «Аллаға, ақырет күніне сендік» дейді. Бірақ олар сенбейді» («Бақара» сүресі, 8-аят).
قَالَتِ الْاَعْرَابُ امَنَّا قُلْ لَمْ تُؤْمِنُوا وَلكِنْ قُولُوا اَسْلَمْنَا وَلَمَّا يَدْخُلِ الْايمَانُ فى قُلُوبِكُمْ
«Бәдәуилер: «Иман келтірдік» деді. (Мұхаммед) оларға айт: «Сендер иман келтірмедіңдер. Алайда: «Мұсылман болдық» деңдер. Өйткені, иман жүректеріңе кірмеді. Егер Аллаға, Пайғамбарға бағынсаңдар, амалдарыңнан еш нәрсе кемітпейді. Шүбәсіз Алла, аса жарылқаушы, тым мейірімді» («Хұжұрат» сүресі, 14-аят).

Пікірлер: 3

  • @arturmendibaev1422
    @arturmendibaev142211 ай бұрын

    Ма ша Алла керемет Алла разы болсын

  • @user-qw7pp4yb2v
    @user-qw7pp4yb2v11 ай бұрын

    Я,АЛЛА, Я, РАХМАН, Я, РАХИМ, Я, РАХИМ, Я, КАРИМ, Я, ХАЙ, Я,ҚАЙЙУМ, Я,САМАД ӘЛХАМДУ ЛИЛЛӘҺИ РОББИЛ-АЛӘМИИН "СУБХАНАЛЛАҺИ УӘ БИХАМДИҺИ, СУБХАНАЛЛАҺИЛ-АЗЫЙМ " "АСТАҒФИРУЛЛАҺ УӘ ӘТУБУ ИЛӘЙҺ " "АЛЛАҺУММА СОЛЛИ АЛӘ МУХАММАДИН УА АЛӘ ӘӘЛИ МУХАММӘД "

  • @ITASHI-ws5jo
    @ITASHI-ws5jo11 ай бұрын

    Ассалаумалейкум

Келесі