અમેરિકામાં આખી દુનિયામાંથી આવીને વસેલા લોકો રહે છે અને તેના કારણે અહીં સરનેમનું લિસ્ટ બનાવવામાં આવે તો તમને દરેક ધર્મ, દરેક દેશ, દરેક રંગના લોકોની સરનેમ તેમાં જોવા મળશે. અમેરિકામાં વસતી ગણતરીના ડેટામાં પણ જોવા મળ્યું કે કેટલીક સરનેમ બહુ મોટા પ્રમાણમાં છે જેમ કે સ્મિથ સરનેમવાળા લોકો સૌથી વધુ છે. અમેરિકાની ટોપ 100 સરનેમમાં પટેલ પણ સામેલ છે અને તે બહુ સ્વભાવિક છે કારણ કે ગુજરાતથી લાખોની સંખ્યામાં પટેલ સમુદાયના લોકો અમેરિકામાં વસે છે.