Түркістан облысы, Қазығұрт аудандық полиция бөліміне басшы болып келген, полиция подполковнигі Мұрат Мұхтарұлы Ермеков :"Алда атқарылар келелі жұмыстарды жоспарлау күн тәртібінен түскен емес",- дейді.
Шындығында да Қазығұрт ауданы полиция бөлімінің тәртіп сақшылары, өз істеріне сақадай сай екендіктерін танытты.
Аудандық полиция бөлімі басшысының тергеу ісі жөніндегі орынбасары Ерғали Қарсыбаев, аудан көлемінде 13 ауылдық округ болса, сондағы халықтың көбісі, интернет алаяқтарынан зардап шегуде екендігін тілге тиек етті. Мысалы, сіз көлік, пәтер т.т.ұттыңыз, осы ұтысты жеткізу үшін мына шотқа пәлен салыңыз немесе есеп шот нөмерін беріңіз десе, сенгендері соншалық өз аттарынан кредит рәсімдеп, айтқан шоттарына салып жіберген жәбірленушілер көптеп кездесуде.
Осындай қылмыстардың жолын кесуде, ауыл тұрғындарымен, ауыл билерімен жиі кездесулер, әңгімелесу, ақпараттық хабарлама беру үрдісін оңтайландырып отырғандарын жеткізді.
Сонымен қатар, Мұрат Мұхтарұлы аудан орталықтарына, полиция бөлімінің алдына, халық көп шоғырланатын орындарға интернет алаяқтарынан сақтану, т.т. маңызы бар сақтық шараларының алдын алу мақсатында түрлі тақырыпта жазылған, ескерте билбордтар іліп қоюда екендігінен хабардар етті.
Ал полиция есігі, аудан халқы үшін кез-келген уақытта ашық екендігін және бөлім басшылары оларды қабылдауға, мәселесін шешуді алдыңғы орынға қоятындығын жеткізді.
Біздің аңғарғанымыз, талай жылдар тергеу, анықтау бөлімдерінде шыңдалып, полициядағы еңбек жолдарында түзу жолмен, іскерлігімен, майталмандығымен танылған жаңа басшы мен оның орынбасарларынан ел мүддесіне жұмыс жасайтындарына нық сенімдеміз. Осы жаңа құраммен жасақталған аудандық полиция бөлімінің тәртіп сақшылары, тек абырой биігінен көріне берсін деген ниеттеміз.