Еріктілер табиғи апат кезінде тынбай еңбек етуді жалғастыруда. Бүгін бір тобы Мағжан Жұмабаев көшесінде орналасқан су жаңа жатақханаға келді. Қос баласы бар мұндағы жалғызбасты ана су тасқыны кезінде ешбір затын алып үлгермеген екен. Былғары зауыты кентінің тұрғыны волонтерлер бұған дейін түсіндіру жұмыстарын жүргізген кезде өз өтінішін білдіріпті. Бүгін азаматшаға киім-кешек, тұрмысқа керекті заттар мен азық-түлік әкелінді.