söz və musiqi: Xalq mahnısı
müşayiət: "Xatirə" XÇA, 1985
I
Gəlmişəm otağına, oyadam səni, Qaragilə,
Nə gözəl xəlq eyləmiş yaradan səni, Qaragilə,
Götürüb mən qaçaram aradan səni, Qaragilə.
Ağac olaydım,
Yolda duraydım.
Sən gələn yollara, Qaragilə,
Kölgə salaydım.
II
Şəhərin küçələri dolanbadolan, Qaragilə,
Əgər məni sevmirsən, get, ayrı dolan, Qaragilə,
Nə mənə qız qəhətdir, nə sənə oğlan, Qaragilə.
Qızılgül əsdi,
Səbrimi kəsdi.
Sil gözün yaşın, Qaragilə,
Ağlama, bəsdir!