Ақтауда бір топ ата-ана облыстық спорт басқармасы басшысының шешіміне наразы. Себебі шенеуніктер балаларды жаппай басқа спорт мектебіне ауыстырғалы жатыр екен. Жолдың алыстығы ұл-қыздарымызға оқу мен спортты қатар алып жүруге кедергі келтіреді дейді шағымданушылар. Бапкерлердің де үйреншікті жерден кеткісі жоқ. Толығырақ әріптесім Махаббат Нұржанқызы жалғастырсын.
Бұл, Ақтаудағы бірнеше спорт мектебінің дзюдо, каратэ, қазақ күресі үйірмелеріне тегін қатысатын балалардың ата-аналары. Жиналған көпшілік спорт басқармасының балалар мен бапкерлерді басқа спорт мектептеріне ауыстырамыз деген шешіміне қарсы. Айтуларынша, ұл-қыздары үйреніп қалған жерден кеткісі келмейді. Оған қоса, қаланың екінші басына апарып-әкелу машақаты бар.
КАМИЛА АХМЕТОВА, Ақтау қаласының тұрғыны:
- Бапкеріміз қалып кетейін деп тұр. Балам айтады «мен бапкерімсіз бармаймын» дейді. Жүлделі орын алып отырған баланың бағын енді жанайын деп тұрған жерінен сөнейін деп тұр. Ол жерде уже бәсекелестік болмайды. Әркім өзінің баласын тығып, бұрынғы балаларын жібереді. Біздер қазір 25-тен көппіз, соның жартысы уже каратэні тастаймыз деп отыр. Оның ішінде қаншамасы чемпион мира болып отыр.
СҮНДЕТХАН БАЙМАҒАМБЕТ, бапкер:
- Ешқандай қаулы, приказ көрсеткен жоқ, ауызбен айтты болды ауысасыңдар деп бізді еріксіз түрде ауыстырып жатыр. Біз өзіміздің спорт мектептерімізде қалуды талап етеміз. Балаларға да қиын, ата-аналарға да қиын. Бізге де үйреніп қалған спорт школамызға еңбек терімізді төккен жерден басқа жерге, бөтен жерге бару қиынға соғады.
Наразы топтың алдына спорт басқармасының басшысы шықты. Оның айтуынша, Маңғыстау облысының спорттық жетістіктер жылдан-жылға төмендеп бара жатыр. Сол үшін балалар мен бапкерлерді тек спорт түріне байланысты мамандандырылған мектептерге тіркеу қолға алынған. Бұл тек құжат жүзінде іске асады екен.
МАҚСАТ МҰҚАШ, Маңғыстау облыстық спорт басқармасының басшысы:
- Спорт мектебіне бөлінген қаржының көп бөлігін сол спорт мектебін дамытуы тиіс спорт түріне емес, басқа қосымша қосылған түріне қарай ығысып кетуі. Бізде қазақша күрес пен дзюдодан мамандандырылған спорт мектебі бар. Бұл тренерлердің барлығын сондай жекелеген спорт мектептеріне көшіргіміз келеді. Себебі ол біздегі өңірдегі конкуренцияны қалыптастырады.
Шенеуніктер балалар мен бапкерлерді басқа жаттығу залына көшірмейміз деп сендірді.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал