Өкінбеймін өткен күндерге
Өткінші жауған жаңбырдай
Түңілме өткенге қарап
Ай бәлкім өмір осындай
Ертеңді ойлап термелеп
Несіне іздеп тентіреп
Шіркін бұл жалған өмірде
Бақытты күндер келер деп
Ай әттең өмір осындай
Теңіздің ащы суындай
Өмірдің бұлағын іздеп
Таңдайым құрғайды су таппай
Ай мүмкін тағдыр өзгерер
Бұлақтың көзін тапқандай
Қанатын жайып мекенге
Көктегі ұшқан сұңқардай